نیشنل کمانڈ اینڈ آپریشن سینٹر کے اعداد و شمار کے مطابق گزشتہ 24 گھنٹوں کے دوران ملک بھر میں کورونا کے 23 ہزار 100 ٹیسٹ ہوئے جب کہ 4960 نئے کیسز رپورٹ ہوئے ہیں جو کہ کورونا مریضوں کے حوالے سے ملک میں ایک نیا ریکارڈ ہے، اس طرح ملک بھر میں کورونا وائرس کے مصدقہ مریضوں کی تعداد 98 ہزار 943 تک جا پہنچی ہے۔ جن میں سے 33 ہزار 465 مریضوں نے اس وائرس کو شکست دے دی ہے۔
سرکاری اعداد وشمار کے مطابق پنجاب میں کورونا مریضوں کی تعداد ایک مرتبہ پھر سب سے زیادہ ہوگئی ہے۔ ملک کے سب سے بڑے صوبے میں کورونا کے مصدقہ مریض 37 ہزار 90 ہوگئے ہیں، اس کے علاوہ سندھ میں 36 ہزار 364، خیبر پختونخوا میں 13 ہزار ایک، بلوچستان میں 6 ہزار 221، اسلام آباد میں 4 ہزار 979، آزاد کشمیر 361 اور گلگت بلتستان میں 927 کیسز رپورٹ ہوئے ہیں۔
نیشنل کمانڈ اینڈ آپریشن سینٹر کے مطابق گزشتہ 24 گھنٹوں کے دوران کورونا سے مزید67 افراد جاں بحق ہوگئے ہیں ، جس کے بعد ملک میں اس وائرس سے لقمہ اجل بننے والے افراد کی تعداد 2002 ہوگئی ہے۔
پنجاب میں کورونا کے مریضوں کے تعداد سب سے زیادہ ہونے کے ساتھ ساتھ یہاں اموات بھی سب سے زیادہ ہوئی ہیں۔ اعداد و شمار کے مطابق پنجاب میں 683، سندھ میں 634 ، خیبر پختون خوا میں 561، بلوچستان میں 54، وفاقی دارالحکومت میں 45، گلگت بلتستان میں 13 جب کہ آزاد کشمیر میں 8 مریض جاں بحق ہوچکے ہیں۔
کورونا کے شکار معروف پاکستانی گلوکار ابرار الحق نے گھریلو ٹوٹکوں سے متعلق اہم مشورہ
کورونا سے متاثر ہونے والے پاکستان تحریک انصاف کے رہنما ، سماجی کارکن اور معروف پاکستانی گلوکار ابرار الحق نے کہا ہے کہ کورونا سے متاثرہ افراد ڈاکٹرز سے مشورے کے بعد گھریلو ٹوٹکے استعمال کریں۔
نجی چینل سے گفتگو کرتے ہوئے چیئرمین ہلال احمر کا کہنا تھا کہ احتیاطی تدابیر کے باوجود سمجھ نہیں آیا کہاں سے کورونا لگا، امکان ہے کہ سانس یا خوراک کے ذریعے وائرس جسم میں داخل ہوا ہو۔
انہوں نے کہا کہ ’کورونا کے حوالے سے اگر گھریلو ٹوٹکے استعمال کرنے ہیں تو ڈاکٹر سے مشورہ ضرور لیں‘۔ ابرار الحق کا مزید کہنا تھا کہ قوم کورونا کے معاملےکو سنجیدگی سے نہیں لے رہی۔
from سچ ٹی وی اردو - تازہ ترین خبریں https://ift.tt/3eZqSei
0 comments: