اپنے ویڈیو پیغام میں وزیراعلیٰ سندھ کا کہنا تھا کہ ڈاکٹرز نے پریس کانفرنس میں اپنے خدشات سے آگاہ کردیا جبکہ پاکستان میڈیکل ایسوسی ایشن نے بھی اُن ہی خدشات کا اظہار کیا۔
وزیراعلیٰ کا کہنا تھا کہ کورونا کی صورت حال کے پیش نظر مشکل فیصلے کرنے پڑ رہے ہیں، عوام سے تعاون کی اپیل ہے کہ وہ حکومتی احکامات پر عمل کریں، اگر بڑے اجتماعات سے گریز نہ کیا گیا تو وبا تیزی سے پھیلے گی کیونکہ اگلے پندرہ روز بہت زیادہ اہم ہیں۔
مراد علی شاہ نے کہا کہ قواعد و ضوابط (ایس او پی) کی خلاف ورزی کرنے والے شاپنگ سینٹرز کو بند کرنے کا حکم جاری کردیا۔ اُن کا مزید کہنا تھا کہ علما کرام سے میری درخواست ہے حکومت سے مکمل تعاون کریں، ہمارے اسپتال بھرگئے ہیں لہذا کسی بھی قسم کا خطرہ مول نہیں چاہتے۔
یاد رہے کہ علمائے کرام نے رمضان المبارک کے دوران باجماعت نماز ادائیگی اور تراویح کے حوالے سے بیس نکات پر اتفاق کیا ہے، جس کی تمام مساجد انتظامیہ کو پابندی کرنا ضروری ہے۔
دوسری جانب پاکستان کے نامور مفیتان کرام مفتی تقی عثمانی اور مفتی منیب الرحمان نے اعلان کیا ہے کہ وہ رمضان المبارک کے دوران نماز کی ادائیگی گھر پر ہی کریں گے، ایس او پی کے مطابق پچاس سال سے زائد عمر کے لوگ مساجد نہ آئیں اور نمازوں کو مختصر رکھا جائے۔
from سچ ٹی وی اردو - تازہ ترین خبریں https://ift.tt/2S2mIJO
0 comments: