ویسے تو انٹرٹینمنٹ انڈسٹری میں خواتین کو ہمیشہ ایک دوسرے کے مدمقابل سمجھا گیا ہے، تاہم اب بدلتے وقت کے ساتھ یہ اداکارائیں بھی ایک دوسرے سے مقابلہ کرنے کے بجائے ایک دوسرے کو پروموٹ کرتی نظر آتی ہیں۔
اداکارہ میرا ہدایت کار عاصم رضا کی آنے والی فلم ’پرے ہٹ لو‘ میں ایک گانے پر رقص کرتی نظر آئیں گی، جس کی ریلیز سے قبل ہی اداکارہ ماہرہ خان نے میرا کی پرفارمنس کی تعریفوں کے پل باندھ دیے۔
ماہرہ خان نے ٹوئٹر پر لکھا کہ انہوں نے پر ہٹ لو کے ایک گانے کا پریویو دیکھا، جس میں سب ہی کمال پرفارم کررہے ہیں۔
I just saw a little preview of one of the songs of #pareyhutlove and the song and everyone in it is fantastic...but man you can’t look away from Meera Jee!! Owns every frame! ???❤️@TheMeeraJee
— Mahira Khan (@TheMahiraKhan) February 21, 2019
تاہم ماہرہ کے مطابق اگر کسی نے ساری توجہ اپنی جانب کرلی تو وہ میرا تھیں جو ہر فریم میں سب سے دلکش نظر آئیں۔
جس کے بعد اداکارہ میرا نے بھی فوری ماہرہ خان کا شکریہ ادا کرتے ہوئے ایک ٹویٹ کی۔
Thankyou @TheMahiraKhan for such a loving tweet. I will always cherish the love and respect you have given me. Also, thankyou for being who you are and making all of us proud in so many ways. May God bless you forever.
— Meera (@TheMeeraJee) February 21, 2019
اس میں میرا کا کہنا تھا کہ وہ اس تعریف کے لیے ماہرہ کی شکرگزار ہیں، جبکہ انہوں نے ماہرہ خان کو بھی ان کے کام پر سراہا۔
یاد رہے کہ چند سال قبل میرا نے ٹوئٹر پر ماہرہ خان پر تنقید کرتے ہوئے ایک ٹویٹ میں لکھا تھا کہ ماہرہ کو اداکاری کرنا نہیں آتی، اس لیے لوگ انہیں دیکھ کر اپنا وقت ضائع نہ کریں۔
اس کے بعد بھی میرا کئی بیانات میں ماہرہ خان کو تنقید کا نشانہ بناتی رہیں، جبکہ انہوں نے ماہرہ کے بولی وڈ میں کام کرنے پر بھی تنقید کی تھی، جبکہ یہ بھی کہا تھا کہ سب ان کی نقل کررہے ہیں۔
from سچ ٹی وی اردو - تازہ ترین خبریں https://ift.tt/2EpotKw
0 comments: