عالمی وبا کورونا وائرس نے ایک بار پھر جرمنی میں شدت اختیار کر لی ہے۔ رپوٹ کے مطابق جرمنی میں کورونا وائرس کی وبا کی چوتھی لہر کا سامنا ہے جس سے مزید 150 افراد ہلاک جبکہ 37 ہزار افرادعالمی وبا سے متاثر ہوئے ہیں۔
جرمن خبر رساں ادارے کی رپورٹ کے مطابق عالمی وبا اب تک جرمنی میں مجموعی طور پر47 لاکھ سے زائد افراد کو متاثر کر چکی ہے جبکہ کووڈ انیس کی وجہ سے ہلاکتوں کی کل تعداد 96 ہزار 346 ہو گئی ہے۔
پریشان کن بات یہ ہے کہ اس لہر کے دوران یومیہ بنیادوں پر اتنی زیادہ نئی انفیکشنز دیکھنے میں آ رہی ہیں، جتنی گزشتہ لہروں کے دوران دیکھنے میں نہیں آئی تھیں۔
خیال رہے کہ پاکستان میں عالمی وبا کورونا وائرس سے مزید 11افراد جاں بحق ہوگئے جبکہ مجموعی اموات کی تعداد 28ہزار 518 ہو گئی ہے۔ نیشنل کمانڈ اینڈ آپریشن سینٹر (این سی او سی) کی جانب سے جاری تازہ اعدادو شمار کے مطابق گزشتہ 24 گھنٹوں کے دوران ملک بھر میں مزید567کورونا کیسز رپورٹ ہوئے۔ ملک میں کورونا کیسز کی مجموعی تعداد 12 لاکھ 76 ہزار240ہوگئی۔
این سی او سی کے مطابق گزشتہ چوبیس گھنٹوں میں ملک بھر میں 46ہزار918کورونا ٹیسٹ کیے گئے اور مثبت کیسز کی شرح 1.20 فیصد رہی۔
سندھ میں کورونا کے کیسز کی تعداد 4 لاکھ 71ہزار497، خیبر پختونخوا میں ایک لاکھ 78 ہزار512، پنجاب میں 4 لاکھ 40 ہزار918، اسلام آباد میں ایک لاکھ 7 ہزار103، بلوچستان میں 33 ہزار325، آزاد کشمیر میں 34 ہزار492 اور گلگت بلتستان میں 10 ہزار393 ہو گئی ہے۔
کورونا کے سبب سب سے زیادہ اموات پنجاب میں ہوئی ہیں جہاں 12 ہزار 943 افراد جان کی بازی ہار چکے ہیں جبکہ سندھ میں 7 ہزار582، خیبرپختونخوا 5 ہزار765، اسلام آباد 944، گلگت بلتستان 186، بلوچستان میں 357 اور آزاد کشمیر میں 741 افراد جان کی بازی ہار چکے ہیں۔
from سچ ٹی وی اردو - تازہ ترین خبریں https://ift.tt/3H6su54
0 comments: