ترکی میں کوروناوائرس کے بڑھتے ہوئے کیسز کے پیش نظر وزارت داخلہ نے ملک کے 15 شہروں میں دوبارہ کرفیو کے نفاذ کا فیصلہ کیا ہے تاہم اس کا اطلاق ہفتے اور اتوار کو نہیں ہوگا۔
رپورٹ کے مطابق عوامی ردعمل کو مدنظر رکھتے ہوئے ترک صدر نے ویک اینڈ پر کرفیو کے نفاذ کو منسوخ کردیا۔ ترک شہر استنبول، انقرہ اور اسمر سمیت 15 اہم شہر ہیں جہاں دوبارہ لاک ڈاؤن کا نفاذ ممکن ہے۔
البتہ کرفیو کا اطلاع ویک اینڈ پر نہیں ہوگا۔ رجب طیب اردوان نے سماجی رابطے کی ویب سائٹ ٹوئٹر پر ویک اینڈ پر کرفیو کے فیصلے کو منسوخ کردیا۔ ان کا کہنا تھا کہ عوام کو مشکل میں نہیں ڈالنا چاہتے۔
انہوں نے مزید کہا کہ 2ماہ سے زائد عرصے کے بعد معمول کی زندگی بحال کررہے ہیں، ویک اینڈ پر 15صوبوں میں کرفیو کے نفاذ کا فیصلہ منسوخ کردیا ہے۔
تاہم ترک حکام نے شہریوں کو خبردار کیا ہے کہ وہ کرونا سے بچاؤ کے لیے احتیاطی تدابیر نہ چھوڑیں۔ اعداد وشمار کے مطابق ترکی میں روزانہ کی بنیاد پر 700 سے 1000 کرونا کیسز رپورٹ ہورہے ہیں۔
ترکی میں اب تک کروناوائرس سے ڈیڑھ لاکھ افراد متاثر ہیں جبکہ 4 ہزار افراد کی موت واقع ہوئی۔
from سچ ٹی وی اردو - تازہ ترین خبریں https://ift.tt/2UhexKH
0 comments: