ینکنگ عدالت نے سابق وزیراعظم نوازشریف کے کزنز کے وارنٹ گرفتاری جاری کردئیے، ملزمان پر الزام ہے کہ وہ بینکوں سے سات سو ملین قرضہ لے کر ہڑپ کر گئے۔
لاہورکی بینکنگ عدالت سابق وزیراعظم نوازشریف کے کزنوں کی ملز کے بینک ڈیفالٹر ہونے سے متعلق کیس پر سماعت ہوئی، عدالت کے خصوصی جج منیر احمد جوئیہ نے کیس کی سماعت کی۔
طلبی کے باوجود نواز شریف کے کزن پیش نہ ہوئے، جس پر عدالت نے نواز شریف کے کزنوں کے قابل ضمانت وارنٹ گرفتاری جاری کرتے ہوئے 5 مارچ کو پیش کرنے کا حکم دے دیا۔
بینک کے وکیل نے کہا کہ اتفاق ملز اور کشمیرملز نے سات سو ملین قرضہ حاصل کیا، قرضے کی واپسی کے لیے متعدد نوٹسز جاری کیےگئے، لیکن اتفاق ملز اور کشمیرملز قرضہ واپس نہیں کر رہیں، عدالت قانون کے مطابق کارروائی کرنے کا حکم دے۔
یاد رہے ایک روز قبل ہی لاہور کی بینکنگ عدالت نے شہبازشریف کے داماد عمران علی یوسف کی جائیداد نیلام کرنے کا بھی حکم دیاتھا، عمران علی بھی بینک ڈیفالٹر اور بیرون ملک فرار ہے، بینک نے ان کے خلاف مقدمہ کیا تھا۔
from سچ ٹی وی اردو - تازہ ترین خبریں https://ift.tt/2VvUWYH
0 comments: