بھارتی گلوکار نے عاطف اسلم کی یاد میں دل کی بات کہہ ڈالی، ہر جانب نئی بحث کا آغاز

بھارتی موسیقار و گلوکار ٹونی ککڑ کو پاکستانی گلوکار عاطف اسلم کی یاد ستانے لگی اور انہوں نے اس حوالے سے سوشل میڈیا پر اپنے خیالات کا اظہار بھی کیا ہے۔

 ٹونی ککڑ نے اپنے ٹوئٹر اکاؤنٹ پر ایک پوسٹ شیئر کی جس میں انہوں نے لکھا کہ ’یہ حد ختم کردو، دوری سہی جائے نا‘۔

بھارتی گلوکار نے اپنے ٹوئٹ میں گلوکار کا نام تو نہیں لکھا لیکن ان کے ٹوئٹ سے ظاہر ہوتا ہے کہ یہ عاطف اسلم کو یاد کر رہے ہیں۔

علاوہ ازیں ٹونی ککڑ نے اپنے ٹوئٹ میں مزید لکھا کہ ’اتنی پیاری آواز دنیا میں کسی کی نہیں ہے‘۔

 

Yaar ye boundaries hata do.. Doorie sahi jaaye na..

Itni pyaari awaaz duniya mein kisi ki nahi hai..

— Tony Kakkar (@TonyKakkar) January 25, 2020

 بھارتی گلوکار ٹونی ککڑ بالی وڈ کی مقبول ترین گلوکارہ نیہا ککڑ اور سونو ککڑ کے بھائی ہیں، ٹونی ککڑ کے مشہور گانوں میں’کوکا کولا تو‘، ’دھیمے دھیمے‘ اور ’ملے ہو تم ہم کو‘ شامل ہیں۔

واضح رہے کہ گزشتہ سال بھارتی حکومت نے آئین میں مقبوضہ کشمیر کی خصوصی حیثیت ختم کرکے وہاں سے آرٹیکل 370 اور 35 اے منسوخ کرکے ریاست کو دو حصوں میں تقسیم کردیا تھا۔

اس تمام صورتحال کے بعد دونوں ممالک کے تعلقات کشیدہ ہوئے اور پھر دونوں جانب سے مواد نشر کرنے اور اداروں کے ساتھ کام کرنے پر پابندی عائد کردی گئی تھی۔

 

from سچ ٹی وی اردو - تازہ ترین خبریں https://ift.tt/30ZZ2cg

• Tweet
• Share
• Share
• Share
• Share