پاکستان معاشی صورتحال، حماد اظہر کا بڑا انقشاف

وفاقی وزیر برائے معاشی امور حماد اظہر کا کہنا ہے کہ 4 سال بعد پہلی مرتبہ جاری کھاتا سرپلس میں ہے، اب ترقی کی منازل طے کرنے کا وقت آگیا ہے۔

تفصیلات کے مطابق وفاقی دارالحکومت اسلام آباد میں ایشین انفرا اسٹرکچر بزنس اور پاکستان کے اشتراک سے بزنس فورم کا انعقاد ہوا۔ وفاقی وزیر حماد اظہر نے تقریب سے خطاب کرتے ہوئے کہا کہ بینک کے ساتھ تعلقات کو وسعت دے رہے ہیں۔

انہوں نے کہا کہ حکومت پائیدار اور مستحکم اقتصادی ترقی کی بنیاد رکھ رہی ہے، بنیادی ڈھانچے اور سماجی ترقی میں سرمایہ کاری کی ضرورت ہے، منصوبوں کی تکمیل یقینی بنانے پرمتحرک مانیٹرنگ نظام بنایا جا رہا ہے۔

حماد اظہر نے کہا کہ 4 ماہ کا پرائمری بجٹ 280 ملین سرپلس ہے، 4 سال بعد پہلی مرتبہ جاری کھاتا سرپلس میں ہے، ریونیو 15فیصد سے بڑھ رہا ہے، ٹیکس فائلرز بڑھے ہیں۔

وفاقی وزیر برائے معاشی امور نے مزید کہا کہ اسٹاک مارکیٹ میں 10 ہزار پوانٹس کا اضافہ ہوا ہے، اب ترقی کی منازل طے کرنے کا وقت آگیا ہے۔

یاد رہے کہ دو روز قبل وزیراعظم عمران خان کا کہنا تھا کہ اکتوبر میں پاکستان کے جاری کھاتے سرپلس ہوگئے، ہماری معاشی اصلاحات کاپھل ملنا شروع ہوگیا ہے، پاکستانی معیشت درست سمت میں جارہی ہے۔

from سچ ٹی وی اردو - تازہ ترین خبریں https://ift.tt/2pBVvm3

• Tweet
• Share
• Share
• Share
• Share