نیپرا نے بجلی 2 روپے 37 پیسے فی یونٹ بجلی مہنگی کرنے کی منظوری دیدی ہے، اضافہ ستمبر 2019ء کی فیول ایڈجسٹمنٹ کی مد میں کیا گیاہے، فیصلے کا اطلاق کے الیکٹرک، لائف لائن اور زرعی صارفین پر نہیں ہوگا۔
نیپرا نے سینٹرل پاور پرچینزنگ ایجنسی کی درخواست کے بعد منظوری دی، بجلی مہنگی ہونے سے صارفین پر 33 ارب روپے کا اضافی بوجھ پڑے گا،300 سے کم یونٹ استعمال کرنے والے اور زرعی صارفین پر اطلاق نہیں ہوگا۔ نیپرا نے 30 اکتوبر کو فیول پرائس ایڈجسٹمنٹ کی درخواست اعتراضات لگا کر مؤخرکردی تھی۔
سینٹرل پاور پریچنگ ایجنسی نے بجلی کی قیمت میں دو روپے 97 پیسے اضافی کی درخواست دی تھی۔ دوسری جانب یہ امر بھی قابل ذکر ہے کہ آج صبح اسٹاک مارکیٹ میں کاروبار کے آغاز پر تیزی دیکھی گئی ہے جس نے کاروباری افراد کے اعتماد میں اضافہ کر دیاہے، اسٹاک ایکسچینج میں کاروبار کا آغاز ہوا تو انڈیکس 35 ہزار 243 پوائنٹس پر تھا تاہم کچھ ہی دیر میں اس میں تیزی آنا شروع ہوئی اور انڈیکس 35 ہزار 608 پر پہنچ گیا تاہم کچھ دیر بعد معمولی کمی واقع ہوئی جس کے بعد انڈیکس 126 پوائنٹس کے اضافے کے ساتھ 35 ہزار 404 پر آگیا۔
from سچ ٹی وی اردو - تازہ ترین خبریں https://ift.tt/36CBJrd
0 comments: