Sunday, April 21, 2019

پاکستان نے کنٹرول لائن کے پار تجارت معطل کرنے پر بھارتی فیصلے کو افسوسناک قرار دیا

پاکستان نے کنٹرول لائن کے پار تجارت معطل کرنے سے متعلق بھارتی فیصلے کو افسوسناک قرار دیا ہے
پاکستان نے کنٹرول لائن کے پار تجارت معطل کرنے سے متعلق بھارت کے یکطرفہ فیصلے کو افسوسناک قرار دیتے ہوئے اس کے غلط استعمال کے حوالے سے الزامات مسترد کردئیے ہیں۔

دفتر خارجہ کے ترجمان کے مطابق بھارتی اقدام بے بنیاد الزامات پر مبنی ہیں اور یہ مقبوضہ جموں و کشمیر کے عوام کی قانونی سرگرمیوں کو نام نہاد دہشت گردی سے جوڑنے کےلئے بھارتی ہتھکنڈوں کی ایک کڑی ہے۔

ترجمان نے کہا کہ کنٹرول لائن کے آرپار تجارت دونوں ملکوں کے درمیان اعتماد سازی کا ایک فعال اقدام رہا ہے اور اس کی معطلی یہ ظاہر کرتی ہے کہ بھارت سفارتی سطح پر دونوں ملکوں کی طرف سے حاصل کردہ کامیابیوں کو سبوتاژ کرنا چاہتا ہے۔

ترجمان نے بھارت پر زور دیا کہ وہ ایسے یکطرفہ اقدامات سے گریز کرے اور اختلافات کو تنازعے سے تعاون کی طرف منتقلی کے تناظر میں تعمیری بات چیت کے ذریعے حل کرے۔

 



from سچ ٹی وی اردو - تازہ ترین خبریں http://bit.ly/2DtvIAq

Related Posts:

0 comments:

Popular Posts Khyber Times