دفترخارجہ نے لیبیا میں سیکیورٹی کی کشیدہ صورتحال کے پیشِ نظر پاکستانی شہریوں کے لیے ایڈوائزری جاری کرتے ہوئے کہا ہے کہ لیبیا بالخصوص طرابلس میں مقیم پاکستانی محفوظ مقامات پر منتقل ہوجائیں۔
Emergency helpline details for security situation in #Libya pic.twitter.com/nrIB6kftTb
— Dr Mohammad Faisal (@DrMFaisal) April 25, 2019
ترجمان دفترخارجہ ڈاکٹرمحمد فیصل نے سماجی رابطے کی ویب سائٹ ٹویٹر پر ایڈوائزی جاری کی ہے جس میں کہا گیا ہے کہ پاکستانی شہری لڑائی والے علاقوں میں جانے سے اجتناب کریں اور بیرون ممالک بسنے والے پاکستانی لیبیا جانے کا پروگرام ملتوی کردیں۔
ترجمان دفترخارجہ نے بتایا ہے کہ لیبیا میں مقیم پاکستانی شہریوں کی مدد کے لیے وزارت خارجہ میں کرائسس مینجمنٹ سیل کام کر رہا ہے جب کہ طرابلس میں پاکستانی سفارتخانہ بھی اپنے شہریوں کی معاونت کے لیے کام کر رہا ہے۔
واضح رہے کہ لیبیائی دارالحکومت طرابلس کے گنجان آباد علاقوں میں اس وقت اقوامِ متحدہ کی تائید کردہ حکومتی معاہدے کے تحت سرکاری افواج ( جی این اے ) اور اس کی مخالف باغی فورسز لیبیائی نیشنل آرمی ( ایل این اے ) کے درمیان گزشتہ تین ہفتوں سے لڑائی جاری ہے جس میں سینکڑوں افراد لقہ اجل بن چکے ہیں۔
ہلالِ احمر کے مطابق اس وقت ہسپتالوں جان بچانے والی ادویہ کی شدید قلت پیدا ہوچکی ہے جبکہ ہزاروں لوگ محفوظ مقامات پر منتقل ہوچکے ہیں۔
from سچ ٹی وی اردو - تازہ ترین خبریں http://bit.ly/2UGWSJL
0 comments: