تفصیلات کے مطابق وزیراعظم عمران خان نے کرائسٹ چرچ حملے میں شہید نعیم راشد کی اہلیہ امبرین نعیم کے انٹرویو سے متاثر ہوکر سماجی رابطے کی ویب سائٹ ٹوئٹر پر اپنے بیان میں کہا شہید نعیم راشد کی اہلیہ کے ان الفاظ سے عالم اسلام اور غیر اسلامی دنیا سب پر اللہ اور اس کے رسول صل اللہ علیہ وسلم پر ایمان کی حقیقی قوت کا راز کھل جانا چاہئیے۔
نعیم راشد شہید کی اہلیہ کے ان الفاظ سے عالم اسلام اور غیر اسلامی دنیا سب پر اللہ اور اسکے رسول صل اللہ علیہ وسلم پر ایمان کی حقیقی قوت کا راز کھل جانا چاہئیے۔ 1/2 https://t.co/DHbaVqCe8S
— Imran Khan (@ImranKhanPTI) March 20, 2019
وزیراعظم کا کہنا تھا کہ اللہ اورنبی ﷺپر ایمان انسان کو مضبوط بناتا ہے، یہ ایمان کی ہی طاقت ہے کہ وہ ایک دہشت گرد کی بدقسمتی پر افسوس کرتا ہے۔
یہ عقدہ بھی کھل جانا چاہئیے کہ اللہ اور اسکے رسول صل اللہ علیہ وسلم پر ایمان انسانوں کی کایا پلٹتے ہوئے کیسے انہیں تقویت بخشتا اور محبت آشنا کرتا ہے کہ وہ خود سے اپنے پیاروں کو چھین لینے والے سفاک قاتل اور دہشت گرد کے بارے میں بھی دل میں رحم سنبھال رکھتے ہیں۔ 2/2 https://t.co/OS0XSLMKBG
— Imran Khan (@ImranKhanPTI) March 20, 2019
یاد رہے کرائسٹ چرچ کے ہیرو نعیم رشید کی اہلیہ بھی ہمت وحوصلے کی مثال بن گئیں، امبرین نعیم نے ایک انٹرویو میں کہا نعیم راشد بہت بہترین انسان تھے، خاوند نعیم رشید اور بیٹے طلحہ رشید نےدوسروں کی زندگی بچانے کے لیے اپنی جان قربان کی۔
امبرین نعیم کا کہنا تھا امن اور سلامتی کا ہمارا مذہب اسی بات کی تعلیم دیتا ہے، فائرنگ کرنے والے دہشت گرد سے ہمدردی ہے، اس واقعے نے ہمیں پہلے سے زیادہ مضبوط کر دیا ہے۔
دوسری جانب سانحہ نیوزی لینڈکے شہداکی تدفین جاری ہے، کرائسٹ چرچ میں شام سے تعلق رکھنے والے شہید باپ اور بیٹے کی تدفین مقامی قبرستان میں کردی گئی۔
واضح رہے گزشتہ جمعہ کو 2 مساجدپر دہشت گرد حملے میں 50 افراد شہید ہوئے تھے، جن میں نو پاکستانی شامل تھے، پولیس کے مطابق جاں بحق تمام افراد کا پوسٹ مارٹم مکمل کیا جاچکا ہے، جاں بحق افراد میں سے اکیس کی باضابطہ شناخت کرلی گئی ہے۔
برطانیہ کے شہزادے ہیری اوران کی اہلیہ میگھن مریکل نے لندن میں نیوزی لینڈ کے سفارتخانے کے باہرکرائسٹ چرچ شہدا کوخراج عقیدت پیش کرنے کے لئے پھول رکھے اورتعزیتی کتاب میں دستخط کئے۔
from سچ ٹی وی اردو - تازہ ترین خبریں https://ift.tt/2OhVwU7
0 comments: