پی سی بی نے مشہور بھارتی تاجر مکیشن امبانی کی کمپنی آئی ایم جی ریلائنس کو رواں سال پاکستان سپر لیگ (پی ایس ایل) کے نشریاتی حقوق دیے تھے لیکن اب انہوں نے لیگ کی مزید نشریات سے انکار کردیا۔
پاکستان کرکٹ بورڈ کی جانب سے جاری ہونے والے اعلامیے کے مطابق پی سی بی نے پی ایس ایل 2019 کے بقیہ میچز کے لیے بلٹز اور ٹرانز گروپ کی مشترکہ کمپنی کو براہِ راست نشریات اور پروڈکشن کے حقوق دے دیے۔
پی سی بی کے مطابق بلٹز اس وقت پاکستان میں پی سی بی کا براڈ کاسٹ پارٹنر ہے جبکہ ٹرانز گروپ ایونٹ منیجمنٹ پارٹنر ہے۔
پی ایس ایل 2019 کا آغاز 14 فروری سے ہوا تھا جہاں روزانہ کی بنیاد پر میچز کھیلے جاتے ہیں جنہیں ٹیلی ویژن پر براہِ راست بھی دکھایا جاتا ہے۔ ایونٹ میں آج آرام کا دن تھا تاہم 20 فروری سے نشریات کا دوبارہ آغاز ہوجائے گا۔
پی سی بی اعلامیے میں بتایا گیا کہ جب 20 فروری سے دوبارہ پی ایس ایل کی نشریات کا آغاز ہوگا تو بلٹز اور ٹرنز گروپ ایونٹ کی لائیو کوریج کریں گے۔
اس کے علاوہ بورڈ کی جانب سے یہ بھی بتایا گیا کہ پی ایس ایل میچز کے میعار میں کوئی کمی نہیں آئے گی، یہ بالکل اسی طرح نشر کیے جاتے رہیں گے جس طرح ابتدائی میچز نشر کیے گئے تھے۔
علاوہ ازیں کرکٹ پریزنٹر زینب عباس نے بھی ملے جلے ردِ عمل کا اظہار کیا تھا۔ انہوں نے بتایا کہ بلٹز اور ٹرانز گروپ پہلے بھی کرکٹ میچز کی لائیو کوریج کر چکے ہیں۔
ان کا یہ بھی کہنا تھا کہ بھارتی کمپنی کے اچانک انکار کے باوجود کرکٹ کی کوریج کے میعار پر کوئی اثر نہیں پڑے گا بلکہ یہ اسی طرح چلتا رہے گا۔
خیال رہے کہ 18 فروری کو پاکستان کرکٹ بورڈ نے بھارتی کمپنی آئی ایم جی ریلائنس سے پی ایس ایل 2019 کے نشریاتی حقوق واپس لیتے ہوئے تصدیق کی تھی کہ آئی ایم جی ریلائنس اب لیگ کے میچز نشر نہیں کرے گا۔
from سچ ٹی وی اردو - تازہ ترین خبریں https://ift.tt/2Xaz3MN
0 comments: