دنیا کا سب سے زیادہ عمر پانے والا پانڈا ہانگ کانگ میں انتقال کر گیا۔ ہانگ کانگ کے اوشین تھیم پارک میں پرورش پانے والے این این نامی نر پانڈے کی عمر 35 سال تھی۔ پانڈے کی گزشتہ کچھ روز سے طبیعت خراب تھی جس کی وجہ سے اس نے کھانا پینا چھوڑ دیا تھا۔
پانڈے کی کچھ روز سے صحت بگڑتی ہی جا رہی تھی اور باوجود علاج کے اس کی صحت سنبھل نہیں رہی تھی۔این این پانڈے کی ساتھی مادہ پانڈا جیا جیا کو بھی سب سے زیادہ عمر پانے والی پانڈا کا اعزاز حاصل ہے جو 6 سال قبل 38 سال کی عمر میں انتقال کر گئی تھی۔
پارک کی انتظامیہ نے نر پانڈا کے مرنے پر دکھ کا اظہار کرتے ہوئے کہا کہ یہ ہماری فیملی کا حصہ تھا اور اس کا سیاحوں سے اچھا میل جول تھا۔ اس پانڈے کی جوڑی کا تحفہ ہانگ کانگ کو چینی حکومت کی جانب سے دیا گیا تھا۔
from سچ ٹی وی اردو - تازہ ترین خبریں https://ift.tt/zebuytU
0 comments: