متحدہ قومی موومنٹ (ایم کیو ایم) پاکستان کے کنوینر ڈاکٹر خالد مقبول صدیقی نے کہا ہے کہ ہمیں سیاست کرنے کی نہیں بلکہ سیاست بدلنے کی ضرورت ہے۔
ایم کیوایم پاکستان کے تحت آرٹس کونسل میں طلبہ کی کیرئیر کونسلنگ کے حوالے سے سیشن کا انعقاد کیاگیا۔
سیشن سے خصوصی خطاب میں ڈاکٹر خالد مقبول صدیقی کا کہنا تھا کہ دنیا میں ملک کے بجائے خطہ ترقی کرتا ہے، پاکستان کے پڑوس میں دنیا کے دو بڑی آبادی والے ملک ہیں۔
ان کا کہنا تھاکہ بھارت میں 1998 میں غربت کی سطح 55 فیصد تھی، آج وہاں غربت کی سطح 15 سے 20 فیصد ہے، کچھ ایسی ہی صورتحال چین میں ہے۔
خالد مقبول صدیقی کا کہنا تھاکہ کل تک بنگلا دیش سے مقابلہ ہوتا تھا تو ہم ناراض ہوتے تھے، آج کینیا اور یوگنڈا سے بھی ہمارا مقابلہ نہیں ہے، ہم جانتے ہیں کہ پاکستان کو کس طرح ترقی کی راہ پر گامزن کرنا ہے۔
ان کا مزید کہنا تھاکہ یہاں دو پاکستان ہیں جناح کا پاکستان اور بھٹو کا پاکستان، کونسا پاکستان بہتر تھا مکمل پاکستان یا آدھا پاکستان، جاگیردارانہ پاکستان کے طفیل جاگیردارانہ جمہوریت ہے، ہمیں سیاست کرنے کی نہیں سیاست بدلنے کی ضرورت ہے۔
from سچ ٹی وی اردو - تازہ ترین خبریں https://ift.tt/2UJ8KAQ
0 comments: