سندھ حکومت نے کورونا کی تیسری لہر کے پیش نظر صوبے میں تمام سرکاری اور نجی تعلیمی ادارے آٹھویں جماعت تک بند کرنے کا فیصلہ کیا ہے۔
وزیر تعلیم سندھ سعید غنی نے سوشل میڈیا پر اپنے پیغام میں بتایا کہ محکمہ تعلیم سندھ نے کورونا کی صورتحال کے پیش نظر صوبے بھر کے تمام نجی و سرکاری اسکولوں میں آٹھویں جماعت تک کلاسز 6 اپریل سے بند کرنے کا فیصلہ کیا ہے۔
سعید غنی نے مزید بتایا کہ آٹھویں جماعت تک کلاسز میں تعلیمی سلسلہ آئندہ 15 روز تک معطل رہے گا تاہم بچوں کی تعلیم کو آن لائن، ہوم ورک اور دیگر ذرائع سے جاری رکھا جا سکتا ہے۔
محکمہ تعلیم سندھ نے Covid کی صورتحال کے پیش نظر صوبے بھر کے تمام سرکاری و نجی اسکولوں میں آٹھویں جماعت تک میں 6 اپریل بروز منگل سے اگلے پندرہ روز کیلئے Physical کلاسز معطل کرنے کا فیصلہ کیا ہے تاہم بچوں کی تعلیم کو آن لائن، ہوم ورک اور دیگر ذرائع سے جاری رکھا جاسکتا ہے۔
— Senator Saeed Ghani (@SaeedGhani1) April 4, 2021
دوسری جانب وفاقی وزیر تعلیم شفقت محمود کا کہنا ہے کہ تعلیمی اداروں کی بندش سے متعلق فیصلہ منگل کو ہونے والے این سی او سی کے اجلاس میں کیا جائے گا، تمام صوبوں کے صحت اور تعلیم کے وزراء اور این سی او سی حکام مل کر فیصلہ کریں گے۔
from سچ ٹی وی اردو - تازہ ترین خبریں https://ift.tt/3ukHhBJ
0 comments: