بین الصوبائی وزرائے تعلیم کے اجلاس میں نویں سے بارہویں تک تعلیمی ادارے 11 جنوری سے کھولنے کا فیصلہ کیا گیا ہے۔ذرائع کے مطابق یکم فروری سے یونیورسٹیاں کھولنے کا فیصلہ بھی کیا گیا ہے۔ پہلی سے 8 ویں کلاس تک تعلیمی ادارے 20 جنوری سے کھولنے کا فیصلہ ہوا ہے۔
مئی یا جون میں امتحانات لینے اور گرمیوں کی چھٹیاں کم کرنے کی تجویز بھی سامنے آئی ہے۔
وفاقی وزیر تعلیم شفقت محمود نے گزشتہ روز کہا تھا کہ مارچ میں ہونے والے امتحانات مؤخر ہوں گے اور موسم گرما کی تعطیلات بھی اس سال کم ہوں گی۔
گزشتہ ہفتے شفقت محمود سے نجی تعلیمی اداروں کی نمائندہ تنظیموں ملاقات11 جنوری سے تعلیمی ادارے کھولنے پر زور دیا۔
انہوں نے کہا کہ وزارت صحت کی تجاویز کے بنا تعلیمی ادارے نہیں کھول سکتے۔ ہم نے بچوں، اساتذہ اور اسٹاف سمیت سب کی صحت کو دیکھنا ہے۔
وزیرتعلیم نے کہا تھا کہ وزارت صحت کی بریفنگ پر تعلیمی ادارے کھولنے کا فیصلہ ہوگا، نجی تعلیمی اداروں کی مشکلات کا ادراک ہےاورانہیں پیکج دے رہے ہیں۔
from سچ ٹی وی اردو - تازہ ترین خبریں https://ift.tt/38QGsHG
0 comments: