غیر ملکی میڈیا کے مطابق افغان طالبان کے چیف ثالث عباس استنکزئی نے کہا ہے کہ بھارت نے افغانستان میں ہمیشہ غداروں کی مدد اور حمایت کی، بھارت نے شروع ہی سے افغانستان میں منفی کردار ادا کیا ہے۔
عباس استنکزئی نے کہا کہ طالبان افغانستان میں بھارت کے کردار کا خیر مقدم کرتے اگر وہ افغانستان کے عوام کے مفاد میں ہوتے، بھارت نے گزشتہ چالیس سال سے افغانستان میں منفی کردار ادا کیا، اور کرپٹ عناصر کے ساتھ معاشی، فوجی اور سیاسی تعلقات رکھے۔
قطر میں طالبان کے سیاسی دفتر کے منتظم شیر محمد عباس استنکزئی کا کہنا تھا کہ اگر بھارت افغانستان میں مثبت کردار ادا کرے تو افغان طالبان کو کوئی مسئلہ نہیں ہوگا۔
چیف ثالث کا یہ بھی کہنا تھا کہ طالبان مذاکرات کے لیے تیار ہو جائیں گے اگر بھارت اپنا منفی رویہ تبدیل کرے، افغان میڈیا کے مطابق بھارت کو افغان امن عمل کا حصہ بنانے کے لیے امریکی نمایندے زلمے خلیل زاد نے بھارتی قیادت سے ملاقات بھی کی ہے۔
from سچ ٹی وی اردو - تازہ ترین خبریں https://ift.tt/2WBTF2n
0 comments: