ترجمان نواز لیگ مریم اورنگزیب نے کہا ہے کہ نیب نیازی گٹھ جوڑ نے گیارہ ماہ سے بے گناہ حمزہ شہباز کو سیاسی انتقام کا نشانہ بنایا ہوا ہے، عوام کا آٹا، چینی چوری کرنے والوں کو انکوائری رپورٹ آنے کے بعد بھی کوئی پوچھنے والا نہیں۔
پاکستان مسلم لیگ (ن) کی ترجمان مریم اورنگزیب نے اپنے بیان میں کہا کہ بے گناہ حمزہ شہباز گیارہ ماہ سے جیل میں ہیں، کرپشن کا کوئی ثبوت نہیں، کوئی ریفرنس نہیں، نیب نیازی گٹھ جوڑ گیارہ ماہ میں حمزہ شہباز کے خلاف ایک بھی جھوٹا الزام ثابت نہ کرسکا، نیب نیازی گٹھ جوڑ آج کی تاریخ تک حمزہ شہباز کے خلاف ریفرنس تک فائل نہ کرسکا۔
مریم اورنگزیب نے مزید کہا کہ عوام کا آٹا، چینی چوری کرنے والوں کو انکوائری رپورٹ آنے کے بعد بھی کوئی پوچھنے والا نہیں، بے بنیاد اور جھوٹے الزامات پہ حمزہ شہباز گیارہ ماہ سے انکوائری کے لئے حراست میں ہے، کوئی پوچھنے والا نہیں، نیب نیازی گٹھ جوڑ عوام کو ایک سو دس ارب کی چینی مہنگی بیچنے والوں اور ڈیڑھ سو ارب کے پشاور میٹرو کے گڑھے کھودنے والوں کو گرفتار نہیں کرتا۔
from سچ ٹی وی اردو - تازہ ترین خبریں https://ift.tt/3aOLfIE
0 comments: