تحقیق کے مطابق 93 فیصد لوگ کھانسنے یا چھینکنے کے بعد ہاتھ درست طریقے سے نہیں دھوتے جس کی وجہ سے بیماریاں پھیلتی ہیں۔
امریکا میں 38 سو افراد پر ہونے والی تحقیق سے یہ بات بھی سامنے آئی ہے کہ عام طور لوگ اوسطاً ہاتھ دھونے میں صرف چھ سیکنڈ صرف کرتے ہیں، یہ دورانیہ ہاتھوں کی صفائی کے لیے نا کافی ہے۔
ماہرین کا کہنا ہے کہ جراثیم سے چھٹکارے کے لیے ہاتھوں پر کم از کم 20 سے 30 سیکنڈ تک صابن لگانا چاہیے اور ہتھیلی، انگلیوں، ہاتھوں کی پشت اور انگلیوں کی درمیانی حصوں کو اچھی طرح دھونا چاہیے۔ اس طریقے سے ہاتھ دھوکر کئی مہلک بیماریوں سے محفوظ رہا جاسکتا ہے۔
دنیا بھر میں دہشت کی علامت بننے والے کورونا وائرس سے بچاؤ کی تدابیر میں بھی ہاتھوں کی صفائی ستھرائی کا خیال رکھنے کو بنیادی اہمیت دی جارہی ہے۔
محققین کا کہنا ہے کہ بے خوابی، غیر صحت بخش غذا اور اینٹٰی بائیوٹک کا زیادہ استعمال جیسے عوامل بھی جراثیموں کے مقابلے میں جسم کی قوت مدافعت کو کمزور کرنے کا باعث بنتے ہیں۔
from سچ ٹی وی اردو - تازہ ترین خبریں https://ift.tt/3amXDA6
0 comments: