چین سے دو پاکستانی پشاور پہنچ گئے، اسکریننگ کے بعد اسپتال منتقل

چین سے 2 پاکستانی شہری پشاور پہنچ گئے، دونوں شہریوں کو چین سے کلیئرنس کے بعد بھیجا گیا ہے جبکہ پشاور ایئرپورٹ پر بھی دونوں کی اسکریننگ کی گئی ہے۔

چین سے 2 پاکستانی کلیئرنس کے بعد پشاور پہنچ گئے، دونوں پاکستانی چین سے دوحہ اور پھر پشاور پہنچے۔

دونوں پاکستانی مسافروں کو اسکر یننگ کے عمل سے بھی گزارا گیا، بعد ازاں دونوں مسافروں کو آئسولیشن روم منتقل کر دیا گیا جہاں انہیں 14 دن تک رکھا جائے گا۔

خیال رہے کہ چین کے کرونا وائرس سے متاثرہ شہر ووہان میں اس وقت 1 ہزار پاکستانی شہری اور طالبعلم موجود ہیں، 4 طلبہ میں وائرس کی تصدیق ہوچکی ہے۔

اس سے قبل ایک اور پاکستانی طالبعلم ارسلان ووہان سے کراچی پہنچا تھا جس کے بعد اسے آغا خان اسپتال منتقل کردیا گیا۔

ارسلان 14 دن تک آغا خان اسپتال میں آئسولیشن وارڈ میں رہے گا، ارسلان کے سیمپل قومی ادارہ برائے صحت اسلام آباد پہنچا دیے گئے ہیں، ٹیسٹ نیگیٹو آنے کی صورت میں اسے ریلیز کر دیا جائے گا۔

دوسری جانب چین میں کرونا وائرس سے ہلاک افراد کی تعداد 304 ہوگئی ہے، کروناسے ایک ہلاکت فلپائن میں بھی سامنے آئی ہے۔ چین میں کرونا سے متاثرہ افراد کی تعداد 15 ہزار سے تجاوز کرچکی ہے

from سچ ٹی وی اردو - تازہ ترین خبریں https://ift.tt/31pmO1C

• Tweet
• Share
• Share
• Share
• Share