وزیراعظم عمران خان نے اقوام متحدہ کی سلامتی کونسل اور دیگرعالمی فورموں پر زوردیا ہے کہ وہ کسی بھی انسانی سانحے سے بچنے کے لئے مقبوضہ کشمیرمیں بھارت کے غیرقانونی اور یکطرفہ اقدامات کے خلاف سنجیدگی سے کارروائی کریں۔
نیویارک میں ایشیاسوسائٹی سے خطاب کرتے ہوئے انہوں نے کہاکہ بھارتی قابض فورسز نے گزشتہ چون روز سے اَسی لاکھ سے زائد کشمیریوں کومقبوضہ وادی میں محصور کررکھاہے۔
انہوں نے کہاکہ مقبوضہ علاقے میں کرفیو کی پابندی جلدازجلد اٹھائی جائے اوربھارت اپنے تمام غیرآئینی اورغیرقانونی اقدامات واپس لے۔
عمران خان نے کہاکہ بھارت میں لاکھوں کی تعداد میں مقیم اقلیتوں کو مظالم کاسامناہے۔
انہوں نے کہاکہ کشمیر کے مستقبل کافیصلہ کشمیریوں کی اُمنگوں اوراقوام متحدہ کی سلامتی کونسل کی قراردادوں کے مطابق کیا جانا چاہیے۔
from سچ ٹی وی اردو - تازہ ترین خبریں https://ift.tt/2mah3Vd
0 comments: