لوگ احتساب کا عمل تیزی سے چلتا دیکھنا چاہتے ہیں: فواد چوہدری

وفاقی وزیر سائنس اور ٹیکنالوجی فواد چوہدری نے کہا ہے کہ لگتا نہیں ہے کہ شہباز شریف ملک واپس آئیں گے مگر ہم کھینچ کر لے آئیں گے۔

تفصیلات کے مطابق فواد چوہدری نے آج لاہور میں میڈیا سے گفتگو کرتے ہوئے کہا کہ میں علیم خان سے اظہار یک جہتی کے لیے عدالت آیا تھا، پاکستان میں لوگ عدالتی نظام سے مطمئن نہیں ہیں۔

فواد چوہدری کا کہنا تھا کہ احتساب کا جو نظام چل رہا ہے اس میں اصلاح کی ضرورت ہے، لوگ احتساب کا عمل تیزی سے چلتا دیکھنا چاہتے ہیں، تمام کیسز کا میرٹ پر فیصلہ ہونا چاہیے۔

وفاقی وزیر نے کہا کہ امید ہے ہمارے ساتھ انصاف ہوگا، دوسری طرف شہباز شریف منتیں کر کے باہر گئے ہیں، لگتا نہیں ہے کہ وہ واپس آئیں گے مگر ہم کھینچ لائیں گے۔

بیل آؤٹ پیکج کے حوالے سے تبصرہ کرتے ہوئے انھوں نے کہا کہ آئی ایم ایف کے بیان سے واضح ہے کہ ہم گزشتہ حکومتوں کے کرتوتوں کی وجہ سے یہاں پہنچے ہیں، حکومت کو احساس ہے کہ عوام مہنگائی کی چکی میں پس رہے ہیں، لیکن باہر سے پیسے لیے تو واپس تو کرنے ہیں۔

خیال رہے کہ آج لاہور کی احتساب عدالت نے آمدن سے زائد اثاثہ جات اور آف شور کمپنی کیس میں گرفتار پی ٹی آئی کے سینئر رہنما علیم خان کے جوڈیشل ریمانڈ میں 27 مئی تک توسیع کر دی ہے۔

from سچ ٹی وی اردو - تازہ ترین خبریں http://bit.ly/2vX25TH

• Tweet
• Share
• Share
• Share
• Share