ریلوے کی نج کاری نہیں ہو رہی، ایسی باتیں فضول ہیں: وزیر ریلوے

وزیر ریلوے شیخ رشید احمد نے کہا ہے کہ ریلوے کی نج کاری نہیں ہو رہی ہے، ایسی باتیں فضول ہیں، 30 سال ریلوے میں بہت مضبوط لوگ رہے۔

تفصیلات کے مطابق شیخ رشید نے لاہور میں پریس کانفرنس کرتے ہوئے کہا کہ 1800 کلو میٹر ڈبل ٹریک بنائیں گے، ریلوے پھاٹک ختم ہو جائیں گے، یہ پاکستان کی تاریخ کا بہت بڑا واقعہ ہوگا۔

شیخ رشید نے کہا کہ ہم نے اخراجات میں کوئی اضافہ نہیں کیا، اس سال ایک ارب کا اسکریپ فروخت کیا ہے، وزیر اعظم عمران خان 15 مئی کو سرسید ایکسپریس کا افتتاح کریں گے۔

میں روزے میں ہوں اور آپ لوگ پھر مجھے بلاول کی طرف لے جا رہے ہیں، پورے رمضان بلاول کے خلاف بات نہیں ہوگی۔

وزیر ریلوے نے کہا کہ کل ریلوے ملازمین کو میری طرف سے لاہور میں افطاری ہے، نواز شریف نے جتنے لوگ جمع کیے اس سے 4 گنا زیادہ میری افطار پارٹی میں تھے۔

شیخ رشید کا کہنا تھا کہ آئی ایم ایف سے معاہدہ آج یا کل کی بات ہے، حکومت نے پوری کوشش کی کہ عام آدمی پر دباؤ نہ آئے، وزیر اعظم نے پیر کو شام ساڑھے 5 بجے میٹنگ بلائی ہے، پیر کو کابینہ ایمنسٹی اسکیم پر بات کرے گی، اسد عمر جلد دوبارہ کابینہ کا حصہ ہوں گے، وہ نا تجربہ کار آدمی نہیں ہیں، غلط الزام نہ لگایا جائے۔

بلاول بھٹو سے متعلق سوال پر انھوں نے کہا کہ میں روزے میں ہوں اور آپ لوگ پھر مجھے بلاول کی طرف لے جا رہے ہیں، پورے رمضان بلاول کے خلاف بات نہیں ہوگی، محترمہ بے نظیر کا کیس سننے بیٹا تک نہیں گیا۔

شیخ رشید کا کہنا تھا کہ جہانگیر ترین ایل بی ڈبلیو ہو چکے، ریفرنس بھی ان کے خلاف جا چکا، جہانگیر ترین بہت کام کے آدمی ہیں لیکن وہ ضائع ہو چکے ہیں۔

from سچ ٹی وی اردو - تازہ ترین خبریں http://bit.ly/2VbOSRb

• Tweet
• Share
• Share
• Share
• Share