گزشتہ روز اپنے ٹویٹ میں وزیر اعظم نے کہا کہ زکوٰة کے تمام ترعطیات کینسر کے غریب مریضوں کے مفت علاج پر خرچ کیے جاتے ہیں۔
میں شوکت خانم کے خیراتی افطار میں آج رات 20 کروڑ روپے بطور عطیات دیکر پچھلے تمام ریکارڈ توڑنے والے ڈونرز کا تہہ دل سے شکریہ ادا کرنا چاہتا ہوں۔ زکوٰۃ کی مد میں اکٹھی ہونے والی رقم صرف اور صرف سرطان (کینسر) میں مبتلا مریضوں کے مفت علاج پر خرچ کی جاتی ہے۔ https://t.co/3KT2RXkxf3
— Imran Khan (@ImranKhanPTI) May 11, 2019
قبل ازیں افطار ڈنر سے خطاب کے دوران وزیر اعظم عمران خان نے کہا تھا کہ شوکت خانم کینسر ہسپتال پشاور میں ریڈی ایشن کی سہولت کے باعث ہسپتال ملک کے بالائی علاقوں کا سب سے بہترین ہسپتال ہے۔
انہوں نے مزید کہا کہ کراچی میں شوکت خانم میموریل کینسر ہسپتال کا سنگ بنیاد جلد رکھا جائے گا اور ہسپتال کو بین الاقوامی معیار کے مطابق تعمیر کیا جائے گا۔
وزیراعظم عمران خان نے کہا کہ ایس کے ایم سی ایچ میں غریب اور امیر مریضوں کا یکساں علاج کیا جاتا ہے۔ انہوں نے اس عزم کا اعادہ کیا کہ سرکاری ہسپتالوں کے معیار کو بھی بہتر کیا جائے گا تاکہ عوام کو نجی شعبے کی طرح علاج معالجے کی معیاری سہولیات فراہم کی جاسکیں۔
from سچ ٹی وی اردو - تازہ ترین خبریں http://bit.ly/2VkcPWG
0 comments: