چینی کمپنی کےالیکٹرک میں پاور پلانٹ لگائے گی: عمر ایوب

وفاقی وزیر برائے توانائی عمر ایوب نے کہا ہے کہ وزیر اعظم کا دورۂ چین میں ٹرانسمیشن لائنز کی تصیب کے حوالے سے دو معاہدے طے ہوگئے جس کے تحت چینی کمپنی کے الیکٹرک میں بھی پاؤر پلانٹ لگانے پر رضا مند ہے۔

تفصیلات کے مطابق وفاقی وزیر برائے توانائی عمر ایوب کا کہنا تھا کہ وزیراعظم عمران خان کا دورہ چین انتہائی کامیابی سےجاری ہے، عمران خان نے آج سارا دن چین کے نائب صدر کے ساتھ گزارا اور انہوں نے وزیراعظم کے اعزاز میں عشائیہ بھی دیا۔

اُن کا کہنا تھاکہ بیلٹ اینڈروڈ فورم منصوبے کا دائرہ کار وسیع ہوچکا ہے، یہ صرف ایک سڑک کی تعمیر نہیں بلکہ اب اس میں توانائی، ریلوے، زراعت سمیت غربت کے خاتمےکا پلان بھی شامل کیا گیا۔

اُن کا کہنا تھا کہ ’پاکستان میں ٹرانسمیشن لائنزکی تنصیب کیلئے 2معاہدے طے ہوگئے جس کے چینی کمپنی کےالیکٹرک میں پاور پلانٹ لگائے گی اور کوئلے کا پاور پلانٹ بھی لگایا جائے گاْ۔

عمر ایوب کا کہنا تھا کہ چینی کمپنیوں نے پاکستان میں سرمایہ کاری کی خواہش کا اظہار کیا، زراعت کے محکمے کی بڑی کمپنی نے وزیراعظم سے ملاقات کی، ہائی ٹیک انڈسٹریز پر مشتمل کمپنیز بھی پاکستان آرہی ہیں۔ اُن کا مزید کہنا تھا کہ پاکستان سرمایہ کاروں کودوستانہ ماحول فراہم کرنے کیلئے تیارہے اس لیے غیر ملکی سرمایہ کار اب پاکستان آرہے ہیں۔

from سچ ٹی وی اردو - تازہ ترین خبریں http://bit.ly/2DB0K9s

• Tweet
• Share
• Share
• Share
• Share