فضل الرحمان میاں صاحب کو سیاسی آکسیجن دے رہے ہیں، اس کا نوٹس لینا چاہیے: وفاقی وزیراطلاعات

وفاقی وزیراطلاعات فواد چوہدری کا کہنا ہے کہ سپریم کورٹ میں بتایا گیا ضمانت نہ ملی تو نواز شریف کی جان کو خطرہ ہے، فضل الرحمان میاں صاحب کو سیاسی آکسیجن دے رہے ہیں، اس کا نوٹس لینا چاہیے۔

تفصیلات کے مطابق وفاقی وزیراطلاعات فوادچوہدری نے سماجی رابطے کی ویب سائٹ ٹوئٹر پر نواز شریف اور مولانا فضل الرحمان کی ملاقات پر ردعمل دیتے ہوئے کہا سپریم کورٹ سے ہمیشہ کی طرح جھوٹ بولا گیا، بتایا گیا ضمانت نہ ملی تونوازشریف کی جان کوخطرہ ہے، اب ایمبولینس کی بجائے فضل الرحمان وہاں پہنچے ہیں، فضل الرحمان میاں صاحب کو سیاسی آکسیجن دے رہے ہیں، عدالتوں کو اس کا نوٹس لینا چاہیے۔

نواز شریف تو اتنے بیمار تھے سپریم کورٹ کو بتایا گیا تھا کہ اگر ضمانت نہ ملی تو جان کو خطرہ ہے، ہمیشہ کی طرح جھوٹ بولا گیا اور اب ایمبولینس کی بجائے فضل الرحمن وہاں پہنچے ہیں اور میاں صاحب کو سیاسی آکسیجن دے رہے ہیں ، عدالتوں کو اس کا نوٹس لیناچاہئے pic.twitter.com/Wp4m6VMHne

— Ch Fawad Hussain (@fawadchaudhry) April 9, 2019

یاد رہے جمعیت علمائے اسلام (ف) کے سربراہ مولانافضل الرحمان جاتی امرا پہنچے ، جہاں ان کی ناشتے کی ٹیبل پر نواز شریف سے ملاقات ہوئی، ملاقات میں مولانافضل الرحمان نے نواز شریف سے خیریت دریافت کی اور نوازشریف نے انھیں اپنےعلاج سےمتعلق آگاہ کیا۔

ملاقات میں سیاسی صورتحال، نیب کیسز سمیت دیگر اہم معاملات پرگفتگو کی گئی جبکہ حکومت مخالف تحریک کے ابتدائی خدوخال پر بھی بات چیت کی گئی۔

 

from سچ ٹی وی اردو - تازہ ترین خبریں http://bit.ly/2P1aC0H

• Tweet
• Share
• Share
• Share
• Share