عمان نے امریکا سے اپنے ہوائی اڈے اور بندرگاہیں دینے کا معاہدہ کر لیا

عمان نے امریکی جنگی طیاروں اور بحری جہازوں کو اپنے ہوائی اڈے اور بندرگاہیں استعمال کرنے کی اجازت دیتے ہوئے باقاعدہ معاہدے پر دستخط کردیے۔ ’معاہدے کی رو سے امریکی فورسز عمان کے ہوائی اڈے اور بندرگاہوں کی سہولیات حاصل کر سکے گی خصوصاً بندرگاہ دقم شامل ہے‘۔

خبررساں ادارے ’اے ایف پی‘ کے مطابق عمان کی سرکاری نیوز ایجنسی نے بتایا کہ ’فریم ورک معاہدے‘ کے تحت ’عمان امریکی عسکری تعلقات‘ کو فروغ دینا ہے۔

اس حوالے سے مزید کہا گیا کہ ’معاہدے کی رو سے امریکی فورسز عمان کے ہوائی اڈے اور بندرگاہوں کی سہولیات حاصل کر سکے گی خصوصاً بندرگاہ دقم شامل ہے‘۔

واضح رہے کہ دقم بندرگاہ جنوبی عمان میں بحیرہ عرب میں واقع ہے جو خلیج فارس اور گلف آف عمان کے بحری راستے سے محض 500 کلومیڑ کے فاصلے پر قائم ہے۔

خیال رہے کہ خلیج فارس اور گلف آف عمان کے اس تنگ بحری راستے سے روزانہ تیل کی بڑی سپلائی ہوتی ہے اور جغرافیائی لحاظ سے انتہائی اہم تصور ہوتی ہے۔

ایران نے سعودی عرب اور خلیجی ممالک سے اختلاف کی بنیاد پر اسی بحری راستے کو متعدد مرتبہ بند کرنے کی دھمکی دی تھی۔

تنگ بحری راستے کو عالمی گزر گاہ کی حیثیت بھی حاصل ہے اور امریکی اور ایرانی فورسز کو اس جگہ پر کشیدگی کا سامنا رہا ہے۔

واضح رہے کہ خلیجی ممالک میں سب سے زیادہ امریکی ملٹری بیس قائم ہیں خصوصاً قطر میں 10 ہزار امریکی فوجی تعینات ہیں۔

امریکا اور عمان کے مابین معاہدے پر دونوں ممالک کے وزراء دفاع نے دستخط کیے۔

from سچ ٹی وی اردو - تازہ ترین خبریں https://ift.tt/2U8OXss

• Tweet
• Share
• Share
• Share
• Share