شارجہ میں کھیلے جا رہے میچ میں کوئٹہ گلیڈی ایٹرز کے کپتان سرفراز احمد نے اپنے حق میں پلٹتے دیکھ کر پہلے باؤلرز کو آزمانے کا فیصلہ کیا اور لاہور قلندرز کو بیٹنگ کی دعوت دی۔
گزشتہ تمام میچوں کی طرح اس میچ میں بھی کوئٹہ گلیڈی ایٹرز کے باؤلرز نے سرفراز احمد کو مایوس نہیں کیا اور پی ایس ایل کی تاریخ کا سب سے بڑا اسکور بنانے والی لاہور قلندرز کو مقرر 20 اوورز میں 143 رنز تک محدود رکھا۔
لاہور قلندرز کی بیٹنگ لائن میں ریڑھ کی ہڈی کی حیثیت رکھنے والے فخر زمان 15 کے مجموعی اسکور پر 3 رنز بنانے کے بعد محمد نواز کی گیند پر کیچ آؤٹ ہوگئے۔
دوسرے اوپنر سہیل اختر نے اپنا ایک جانب جارحانہ کھیل جاری رکھا لیکن دوسری جانب سے ان کا ساتھ دینے کے لیے آنے والے سلمان بٹ بھی 5 رنز بنانے کے بعد 40 کے مجموعے پر غلام مدثر کی گیند پر کیچ آؤٹ ہو کر پویلین لوٹ گئے۔
کوئٹہ گلیڈی ایٹرز کے باؤلرز نے خطرناک دکھائی دینے والے سہیل اختر کو بھی غلام مدثر نے اپنا شکار بنایا اور 41 کے مجموعے پر وہ پویلین لوٹ گئے۔
اننگز کے چھٹے اوور میں وکٹ پر آنے والے لاہور قلندرز کے کپتان اے بی ڈی ویلیئرز ناقابلِ شکست رہے، تاہم پوری اننگز کے دوران وہ بجھے بھجے دکھائی دیے اور 40 گیندوں پر صرف 2 گیندوں پر 45 رنز ہی اسکور کر سکے۔
دیگر کھلاڑیوں میں ڈیوڈ ویزے 20 اور کورے اینڈرسن 19 رنز بنا کر نمایاں رہے، جبکہ ٹیم مقررہ 20 اوورز میں 7 وکٹوں کے نقصان پر 143 رنز ہی بناسکی۔
OUT! @mnawaz94 removes @FakharZamanLive (3) and It is a big wicket for Quetta Gladiators
— Cricingif (@_cricingif) February 23, 2019
Scorecard and ball-by-ball details ? https://t.co/3vf612zyBu #QGvLQ #PSL2019 #KhelDeewanoKa #CricketForAll pic.twitter.com/QjcfrN18w6
کوئٹہ گلیڈی ایٹرز کی جانب سے غلام مدثر 3 وکٹیں لے کر نمایاں رہے، ان کے علاوہ سہیل تنویر 2 جبکہ محمد نواز اور انور علی ایک ایک وکٹ حاصل کرسکے۔
ٹاس کے موقع پر لاہور قلندرز کے کپتان اے بی ڈی ویلیئرز نے کہا تھا کہ ہم گزشتہ میچ جیت کر بہت خوش ہیں، یہ میچ ہمارے لیے انتہائی اہمیت کا حامل ہے اور ہم اسے ہر حال میں جیتنا چاہتے ہیں۔
سرفراز احمد نے کہا کہ یہ وکٹ بیٹنگ کے لیے سازگار لگ رہی ہے اور ہم قلندرز کو کم سے کم اسکور تک محدود کر کے ہدف کا تعاقب کرنے کی کوشش کریں گے۔
لاہور قلندرز کی ٹیم میں کوری اینڈرسن کو پہلی مرتبہ شامل کیا گیا۔
میچ کے لیے دونوں ٹیمیں ان کھلاڑیوں پر مشتمل ہیں۔
لاہور قلندرز: اے بی ڈی ویلیئرز(کپتان)، فخر زمان، سہیل اختر، آغا سلمان، سلمان بٹ، کوری اینڈرسن، ڈیوڈ ویزے، گوہر علی، سندیپ لیمی چین، یاسر شاہ، حارث رؤف اور راحت علی۔
کوئٹہ گلیڈی ایٹرز: سرفراز احمد(کپتان)، چین واٹسن، احسن علی، عمر اکمل، رلی روسو، ڈیوین اسمتھ، محمد نواز، غلام مدثر، سہیل تنویر، فواد احمد اور انور علی۔
from سچ ٹی وی اردو - تازہ ترین خبریں https://ift.tt/2tA8p2A
0 comments: