وزیراعظم شہباز شریف کل 2 روز کے لیے قطر روانہ ہوں گے جہاں وہ اقوام متحدہ کی کانفرنس میں بھی شرکت کریں گے۔
دفتر خارجہ کی جانب سے جاری بیان کے مطابق امیر قطر کی دعوت پر وزیراعظم محمد شہباز شریف 5 سے 6 مارچ کو دوحہ جائیں گے جہاں وہ اقوام متحدہ کے زیراہتمام کم ترقی یافتہ ممالک کی پانچویں کانفرنس میں شرکت کریں گے۔
مارچ 5 سے 9 تک منعقد ہونے والی اس کانفرنس کے دوران کم ترقی یافتہ ممالک میں پائیدار ترقی کو تیز کرنے کے اقدامات پر غور کیا جائے گا جن سے انہیں خوشحالی کی راہ پر گامزن کرنے میں مدد ملے گی۔
ترجمان دفتر خارجہ کے مطابق دوحہ میں کانفرنس کے موقع پر وزیراعظم شریک رہنماؤں اور وفود کے سربراہان سے دو طرفہ ملاقاتیں اور بات چیت کریں گے۔
from سچ ٹی وی اردو - تازہ ترین خبریں https://ift.tt/CfQDt5V
0 comments: