کراچی پولیس آفس پر حملہ کرنے والے دہشتگردوں کی شناخت ہو گئی

کراچی پولیس ہیڈ آفس پر حملے میں مارے جانے والے دہشت گردوں کی شناخت ہو گئی، کراچی شارع فیصل پر پولیس ہیڈ آفس میں گزشتہ شب دہشت گردوں نے حملہ کر دیا۔ جس کے بعد پولیس آپریشن کے دوران تینوں حملہ آور مارے گئے جبکہ رینجرز و پولیس اہلکار سمیت 4 افراد شہید اور 19 زخمی ہوئے۔

دہشتگردوں کے حملے میں زخمی ہونے والوں میں 8 پولیس اہلکار، 9 رینجرز جوان اور ایک ریسکیو اہلکار شامل ہے۔

مارے جانے والے ایک حملہ آور کی شناخت کفایت اللہ کے نام سے ہوئی جس کا تعلق لکی مروت سے تھا جبکہ دوسرے دہشتگرد کی شناخت زالا نور کے نام سے ہوئی جو شمالی وزیرستان سے تعلق رکھتا تھا۔ تیسرے دہشت گرد مجید کے بارے میں معلوم ہوا ہےکہ اس کا تعلق شمالی وزیرستان کے علاقے دتہ خیل سے ہے۔

بم ڈسپوزل اسکواڈ کے مطابق ہلاک دہشت گردوں کے جسم پر نصب 2 خودکش جیکٹس اور 8 گرنیڈ ملے۔ تمام دستی بم ناکارہ حالت میں ملے اور ممکنہ طور پر پھینکے گئے دستی بم پھٹ نہیں سکے۔ دہشت گردوں کی خود کش جیکٹس میں 6 کلو گرام بارودی مواد تھا۔

ڈی آئی جی ایسٹ مقدس حیدر کے مطابق سیکیورٹی اہلکاروں نے عمارت کو کلیئر کرایا۔ کلیئرنس آپریشن میں پاک فوج ایس ایس جی کی 2 ٹیمیں اور رینجرز کے اسپیشل آپرشنز ونگ نے بھی حصہ لیا۔

 

from سچ ٹی وی اردو - تازہ ترین خبریں https://ift.tt/obDAKZp

• Tweet
• Share
• Share
• Share
• Share