بھارتی میڈیا کے مطابق بھارتی ریاست اترپردیش کے شہر گورکھپور میں ایک سنار کی دکان پر ایک خاتون نے ایسی ہاتھ کی صفائی دکھائی کہ سوشل میڈیا پر اس کی وائرل ہونے والی ویڈیو دیکھ کر دیکھنے والے دنگ رہ گئے۔
ویڈیو میں دیکھا جا سکتا ہے کہ ایک خاتون اور کچھ دوسرے لوگ ایک جیولری شاپ میں بیٹھے ہیں اور سیلز پرسنز کی طرف سے کچھ سونے کے زیورات دکھائے جا رہے ہیں، جو متعدد گاہکوں کے ساتھ مصروف ہیں۔
خاتون نے سیلز پرسنز کا دھیان اس طرح بھٹکایا کہ انھیں اندازہ بھی نہیں ہو سکا کہ ایک باکس خاتون نے ساڑھی کے نیچے ’غائب‘ کر دیا ہے۔
سی سی ٹی وی فوٹیج میں ’چور آنٹی‘ کو سبز رنگ کی ساڑھی اور دھوپ کا چشمہ پہنے دیکھا جا سکتا ہے، انھوں نے ماسک بھی پہن رکھا ہے، اور وہ سونے کے سیٹس دیکھ رہی ہیں۔
سوشل میڈیا پر یہ ویڈیو وائرل ہوتے ہی صارفین حیران رہ گئے کہ دکان دار کی توجہ بھٹکا کر خاتون نے کتنی چالاکی سے سونے کے زیورات کو اڑایا۔
गोरखपुर में काले चश्मे वाली महिला ने जूलरी शॉप में ऐसे पार किया सोने का हार pic.twitter.com/rqpzQGkw1n
— Samir Abbas (@TheSamirAbbas) November 26, 2022
from سچ ٹی وی اردو - تازہ ترین خبریں https://ift.tt/EU7YGLz
0 comments: