ہزاروں جیالوں کے خون سے آج جمہوریت قائم ہے: آصف زرداری

سانحہ کار ساز کے شہدا کو خراج عقیدت پیش کرتے ہوئے سابق صدر آصف علی زرداری کا کہنا ہے کہ ہزاروں جیالوں کے خون سے آج جمہوریت قائم ہے۔

سابق صدر نے کہا کہ پیپلزپارٹی نے قائد کے مشن کی تکمیل کی اور 73 کے آئین کو اصل صورت میں بحال کیا، سوات میں دوبارہ قومی پرچم سربلند کیا اور صوبوں کو خودمختاری دی، گلگت بلتستان اور خیبر پختونخوا کے عوام کو بھی شناخت دی۔

سابق صدر نے کہا کہ ہم سانحہ کار ساز کے بہادر شہدا کو خراج عقیدت پیش کرتے ہیں، آج بینظیر بھٹواور ان کے ہزاروں جیالوں کے خون سے جمہوریت قائم ہے، پیپلزپارٹی عہد کرتی ہے چاہے کچھ بھی ہو جائے جمہوریت پر آنچ آنے نہیں دیگی, 18ویں آئینی ترمیم ملک کی سالمیت اور بقا کی ضمانت ہے.

 انہوں نے کہا ہے کہ مستحق خواتین کو بینظیر انکم سپورٹ پروگرام کے ذریعےثمرات میں حصہ دار بنایا، معاشی اور سماجی طور کمزور طبقات کو معاشی اور سماجی انصاف مہیا ہوگا، بینظیر بھٹوکی جدوجہد کو پایہ تکمیل تک پہنچا کر اختیارات پارلیمان کو واپس دلوائے، آج ملک کا پسماندہ علاقہ تھرکوئلے سے بجلی پیدا کر رہا ہے۔

 

from سچ ٹی وی اردو - تازہ ترین خبریں https://ift.tt/OHBr05x

• Tweet
• Share
• Share
• Share
• Share