اس وقت ملک کا ایک تہائی حصہ زیر آب ہے: شیری رحمان

وفاقی وزیر برائے موسمیاتی تبدیلی اور پیپلزپارٹی کی مرکزی رہنما سینیٹر شیری رحمان نے کہا ہے کہ اس وقت ملک کا ایک تہائی حصہ زیر آب ہے۔

شیری رحمان نے کا کہنا ہے کہ اس وقت ملک کے 80 اضلاع آفت زدہ قرار دئے گئے ہیں لیکن عمران خان سیلاب متاثرین کا نہیں بلکہ اپنا بیانیہ زندہ رکھنے کے مشن پر ہیں۔

انہوں نے کہا ہے کہ ملک میں 33 ملین سے زائد لوگ متاثر، 1265 لوگ جاں بحق، 14 لاکھ سے زائد گھر تباہ ہوئے ہیں۔ لاکھوں لوگ کھلے آسمان تلے امداد کے منتظر ہیں لیکن عمران خان کہتے ہیں وہ قوم کو انقلاب کے لئے جگا رہے ہیں عمران خان صرف سندھ اور بلوچستان کو نہیں بلکہ پنجاب اور کے پی کے سیلاب زدگان کو بھی پیغام دے رہے ہیں کہ ان کو بس اپنی سیاست سے غرض ہے۔

سابق وزیراعظم پر تنقید کرتے ہوے ان کا کہنا ہے کہ عمران خان کو عوام کی مشکلات اور زندگیوں سے کوئی سروکار نہیں، سندھ اور بلوچستان میں نا صحیح ان کو پنجاب اور خیبر پختونخواہ میں سیلاب متاثرین کی امداد پر توجہ دینی چاہئے، جنوبی پنجاب کے لوگ ریسکیو اور رلیف کے منتظر ہیں مگر پنجاب حکومت کا ہیلی کاپٹر عمران خان کو بنی گالا سے جلسہ گاہ پک اینڈ ڈراپ دے رہا ہے۔

from سچ ٹی وی اردو - تازہ ترین خبریں https://ift.tt/NesySaD

• Tweet
• Share
• Share
• Share
• Share