یوٹیلیٹی اسٹورز، رمضان بازاروں میں گھی اور آئل کی فراہمی میں کمی

یوٹیلیٹی اسٹورز میں اور رمضان بازاروں میں حکومت کی طرف سے آٹا، گھی اور آئل کی کم سے کم فراہمی پر عوام خوار ہو گئے۔

شہریوں کا کہنا ہے کہ رمضان بازاروں اور یوٹیلٹی اسٹورز پر پنجاب حکومت کی پالیسی کے مطابق شہری کو ایک عدد گھی کا پیکٹ دیا جا رہا ہے جو دوسرے روز ہی ختم ہو جاتا ہے،ایک کلو گھی کا پیکٹ لینے کے لیے کون کئی کئی گھنٹے قطاروں میں کھڑا ہو۔

یہ بھی پڑھیں: ایل پی جی کی قیمت میں 40 روپے فی کلو تک کی کمی

اسی طرح رمضان بازار میں ایک وقت میں زیادہ سے زیادہ آدھ کلو ٹماٹر، لہسن ایک پاؤ اور ایک کلو پیاز دینے کی پالیسی ہے جو بہت کم مقدار ہونے کے باعث شہریوں کے لیے تکلیف دہ عمل ہے۔

شہریوں نے مطالبہ کیا ہے کہ چیف سیکریٹری پنجاب یوٹیلیٹی اسٹورز اور رمضان بازاروں میں ہر شہری کو تین کلو گھی اور اتنی ہی سبزیاں دینے کے احکامات جاری کریں۔

from سچ ٹی وی اردو - تازہ ترین خبریں https://ift.tt/kFjbCYz

• Tweet
• Share
• Share
• Share
• Share