Thursday, November 18, 2021

باباگرونانک کے جنم دن پر وزیر اعظم عمران خان کی سکھ برادری کو مبارکباد

باباگرونانک کے جنم دن پر وزیر اعظم عمران خان کی سکھ برادری کو مبارکباد

وزیراعظم عمران خان نے سکھوں کو باباگرونانک کے جنم دن پر مبارکباد دیتے ہوئے کہا سکھ برادری کو مذہبی رسومات کے لیے سہولیات فراہم کرتے رہیں گے۔

تفصیلات کے مطابق سکھوں کےروحانی پیشواباباگرونانک کے پانچ سو باون ویں جنم دن کی تقریبات جاری ہے ، وزیراعظم عمران خان نے سماجی رابطے کی ویب سائٹ ٹوئٹر پر سکھوں کو بابا گرونانک کے جنم دن پر مبارکباد دیتے ہوئے کہا ہم سکھوں کو پاکستان میں ان کے مذہبی مقامات کا دورہ کرنے پر خوش آمدید کہتے ہیں، سکھ برادری کو مذہبی رسومات کے لیے سہولیات فراہم کرتے رہیں گے۔


دوسری جانب وزیراعلیٰ پنجاب عثمان بزدار نے سکھ برادری کوباباگرونانک کے552ویں جنم دن پرمبارکباد دیتے ہوئے اپنے پیغام میں کہا کہ باباگورونانک کاجنم دن سکھ برادری کےلئےخوشیوں بھرا تہوار ہے، سکھ برادری کو پنجاب آمدپر”جی آیاں نوں“کہتے ہیں۔

عثمان بزدار کا کہنا تھا کہ ہرسال سکھ برادری کی مہمان نوازی کرکےدلی خوشی ہوتی ہے، سکھ برادری کوتقریبات میں شرکت کی ادائیگی کیلئےسہولیات فراہم کی ہیں، ایک دوسرےکی خوشیوں میں شریک ہونےسےبھائی چارےکوفروغ ملتا ہے۔

انھوں نے مزید کہا کہ بابا گورونانک نےامن وآتشی،اخوت،بھائی چارے اور محبت کا پیغام دیا، باباگرونانک مذہبی رواداری اوربین المذاہب ہم آہنگی کی بہترین مثال تھے۔

وزیراعلیٰ پنجاب کا کہنا تھا کہ پنجاب سمیت پاکستان میں سکھ برادری کے مقدس مقامات موجود ہیں، سکھ برادری کواپنےعقائدکےمطابق زندگی بسرکرنےکی مکمل آزادی ہے، سکھ برادری سمیت اقلیتوں کی فلاح وبہبودحکومت کی ترجیحات میں شامل ہے، تحریک انصاف کی حکومت نےاقلیتوں کے حقوق کےتحفظ کو یقینی بنایا ہے۔



from سچ ٹی وی اردو - تازہ ترین خبریں https://ift.tt/3qVJsxd

Related Posts:

0 comments:

Popular Posts Khyber Times