
وزیراعظم عمران خان نے سندھ پولیس کے ایک کانسٹیبل کی ویڈیو شیئر کی ہے جس نے ٹرین سے گرنے والے نوجوان کی جان بچائی۔
عمران خان نے ٹویٹ کیا کہ یہ وہ مقام ہے جہاں فرض مقدس بن جاتا ہے۔ عوام الناس کی خدمت کے حوالے سے اس نوجوان سپاہی کا دکھائی دینے والا عزم قابلِ تحسین ہے۔
یہ وہ مقام ہے جہاں فرض تقدیس سے ہمکنار ہوتا ہے۔ عوام الناس کی خدمت کے حوالے سے اس نوجوان سپاہی کے ہاں دکھائی دینے والا عزم قابلِ تحسین ہے۔pic.twitter.com/B1xozkj06a
— Imran Khan (@ImranKhanPTI) August 19, 2021
خیال رہے کہ سندھ کے ضلع خیرپور میں ریلوے اسٹیشن پر پولیس اہلکار نے پھرتی کا مظاہرہ کرتے ہوئے ٹرین سے گرنے والے نوجوان کی زندگی بچا لی۔
خیرپور اسٹیشن پر ایک نوجوان چلتی ٹرین سر گر کر پلیٹ فارم اور پٹڑی کے درمیان پھنس گیا۔
جیسے ہی نوجوان ٹرین سے گرا تو پولیس کانسٹیبل جمیل احمد پھرتی کا مظاہرہ کرتے ہوئے اس کی جانب لپکے اور فوری طور پر نوجوان کو ٹرین کے نیچے جانے سے بچایا۔
پولیس کانسٹیبل نے پھنسے ہوئے نوجوان کو پوری طاقت لگا کر باہر نکالا۔ بعد ازاں ٹرین سے گرنے والے نوجوان کو ابتدائی طبی امداد بھی دی گئی۔ حکام کا کہنا ہے کہ نواجون کو شناخت کے بعد اس کے ورثا کے حوالے کیا جائے گا۔
from سچ ٹی وی اردو - تازہ ترین خبریں https://ift.tt/3mlgpRo
0 comments: