شہر قائد میں مون سون بارشوں سے اس بار بھی تباہی کا خدشہ

شہر قائد میں مون سون بارشوں سے اس بار بھی تباہی کا خدشہ ہے ، اس حوالے سے پیشگی انتظامات سےمتعلق ہنگامی درخواست سماعت کے لیے منظور کرلی گئی ہے۔ سندھ ہائی کورٹ میں مون سون بارشوں سے کراچی میں تباہی کے خدشے کے پیش نظر پیشگی انتظامات سےمتعلق ہنگامی درخواست سماعت کے لیے منظور کرلی گئی۔

مون سون بارش پیشگی انتظامات سے متعلق درخواست 10جون کے لیے مقرر کردی ہے، ندیم شیخ ایڈووکیٹ نے بتایا کہ گزشتہ بارشوں میں کراچی ڈوب گیاتھا، اس باربھی کراچی ڈوبنےکاخدشہ موجود ہے۔

وکیل نے کہا متعلقہ اداروں سےپوچھاجائے، اب تک کیاانتظامات کیے گئے ؟ گورنرسندھ، وزیراعلیٰ سندھ، چیف سیکرٹری ، سیکرٹری بلدیات،کمشنر کراچی، کنٹونمنٹ بورڈز کو درخواست میں فریق بنایا گیا ہے۔

یاد رہے گذشتہ سال اگست میں شہر قائد میں مون سون بارشوں نے تباہی مچادی اور مون سون بارشوں کا 36 سالہ ریکارڈ ٹوٹ گیا تھا ، حادثات و واقعات میں متعدد افراد جاں بحق اور زخمی ہوئے تھے۔

مون سون بارشوں کے باعث انفرااسٹرکچر کو بے حد نقصان پہنچا، مگر سوال یہ ہے کیا اس سال جب مون سون کی بارشوں کا سلسلہ شروع ہوگا ایک بار پھر کراچی کے شہریوں کو اس قدر سنگین حالات کا سامنا کرنا پڑے گا۔

 

from سچ ٹی وی اردو - تازہ ترین خبریں https://ift.tt/2QYQFgn

• Tweet
• Share
• Share
• Share
• Share