چین نے اپنے تمام شہریوں کو کورونا وائرس کی ویکسین مفت دینے کا اعلان کردیا، مذکورہ ویکسین 79 فیصد مؤثر ہے۔
چین کے قومی صحت کمیشن کے نائب سربراہ زینگ ای شن نے پریس کانفرنس میں اعلان کیا کہ چین اپنے تمام شہریوں کو نوول کرونا وائرس ویکسین مفت فراہم کرے گا۔
چین نے گزشتہ روز ہی سرکاری دوا ساز کمپنی سائنو فارم کی تیار کردہ ویکسین کی عام استعمال کی مشروط اجازت دے دی ہے۔ مذکورہ ویکسین کے ٹرائلز کے تیسرے مرحلے میں اس کی 79 فیصد افادیت سامنے آئی ہے۔
یہ شرح فائزر اور موڈرنا کی تیار کردہ ویکسین سے کم ہے۔
اس ویکسین کے تیسرے مرحلے کے تنائج سے پہلے ہی ایمرجنسی پروگرام کے تحت چین میں اسے تقریباً 10 لاکھ لوگوں کو دی چکی تھی۔
چین میں سائنوویک اور سائنو فارم کے علاوہ مزید کم از کم 2 ویکسینز تیاری کے مراحل میں ہیں، ان میں سے ایک کین سائنو بائیولوجکس ہے جو سعودی عرب سمیت کئی ممالک میں تیاری کے تیسرے مرحلے میں ہے۔
اس ویکسین کی انڈونیشیا، متحدہ عرب امارات اور بحرین نے اپنے یہاں استعمال کی منظوری دے دی ہے، سنگا پور نے موڈرنا اور فائزر سمیت سائنو ویک ویکسین کی خریداری کا معاہدہ کرلیا ہے جبکہ پاکستان میں بھی سائنو فارم ویکسین خریدنے کا اعلان کیا ہے۔
from سچ ٹی وی اردو - تازہ ترین خبریں https://ift.tt/3rRohKH
0 comments: