پاکستانیوں کے لئے بڑی خوشخبری، پاک فضائیہ کاخصوصی طیارہ چین سےکورونا ویکسین لانے کیلئے روانہ ہوگیا ہے۔
این سی او سی کی جانب سے جاری بیان کے مطابق کورونا ویکسین لینے کیلئے پاک فضائیہ کا خصوصی طیارہ آئی ایل 78 نورخان ایئربیس سے چین روانہ ہوگیا ہے۔
ذرائع کا کہنا ہے کہ چینی ویکسین کو پاکستان کے حوالے کرنے سے قبل بیجنگ میں خصوصی تقریب کا اہتمام کیا جائے گا، تقریب کے مہمان خصوصی چینی وزیراعظم ہونگے، جہاں وہ کرونا ویکسین کو پاکستانی وفد کے حوالے کرینگے۔
محکمہ صحت کا کہنا ہے کہ چین سےکرونا ویکسین خصوصی کنٹینرز میں پاکستان لائی جائےگی،پاکستان پہنچنے کے بعد ویکسین کو ای پی آئی کے مرکزی کولڈ اسٹور میں ذخیرہ کیا جائے گا، ای پی آئی مرکز سےکرونا ویکسین کو صوبوں کی جانب روانہ کیا جائے گا۔
این سی او سی کے مطابق خصوصی طیارہ چین سےکورونا ویکسین کی پہلی کھیپ لائےگا، اسلام آباد میں کرونا ویکسین کی اسٹوریج کےانتظامات مکمل ہیں، اس کے علاوہ ملک بھر میں اس کی ترسیل کےتمام انتظامات کو مکمل کرلیا گیا ہے، سندھ، بلوچستان میں کروناویکسین بذریعہ ہوائی جہازبھجوائی جائےگی۔
ویکسین کی حفاظت کو یقینی بنانے کے لئے ،این ڈی ایم اے کنٹینر،کولڈباکسز،ڈرائی آئس فراہم کرےگی۔
این سی اوسی میں خصوصی ویکسین نرو سینٹر قائم کیا گیا ہے جبکہ صوبائی،ضلعی سطح پر ویکسین مراکز قائم ہونگے۔
واضح رہے کہ گذشتہ ہفتے ڈاکٹر فیصل سلطان نے بتایا تھا کہ پاکستان کے دیرینہ دوست چین نے حکومت پاکستان کو پانچ لاکھ کرونا ویکسین کا عطیہ کیا ہے، چین کی جانب سے عطیہ کی گئی ویکسین جلد پاکستان آجائیں گی۔
معاون خصوصی برائے صحت کا کہنا تھا کہ جو ویکسین سرکاری ذرائع سے حاصل کی جائیگی وہ مفت فراہم کی جائیگی، صحت سے متعلق عوام کو درست آگاہی دینا ہمارا فرض ہے۔
from سچ ٹی وی اردو - تازہ ترین خبریں https://ift.tt/3oFY4ME
0 comments: