موذی وائرس سے محفوظ رہنے کیلئے ہاتھ بیس سیکنڈ تک دھونا ضروری مگر پبلک مقامات پر نل کو ہاتھ لگانے سے کورونا کے پھیلاو کا خدشہ ہوتا ہے۔
کورونا کا پھیلاؤ روکنے کیلئے واسا نے ڈرم میں بنے واش بیسن متعارف کروائے ہیں جن کے استعمال کیلئے ہاتھ لگانے کی ضرورت نہیں۔
واش بیسن کے نیچے لگے پیڈل پر پاوں رکھ کر دبائیں تو پانی اور ہینڈ سینیٹائزر کے ذریعے باآسانی ہاتھ دھوئے جا سکتے ہیں۔
واسا کے مطابق پندرہ ہزار میں ایک یونٹ تیار ہوا ہے جو سرکاری اسپتالوں اور جامع مساجد کے باہر لگائے گیے ہیں۔
ہاتھ دھونے کیلئے بنے یہ موبائل بیسن ڈرم جہاں کورونا سے محفوظ رہنے کا ذریعہ ہیں وہیں ان سے پانی جیسی نعمت کو ضائع ہونے سے بچانا بھی ممکن ہے۔
حکومت کی جانب سے لوگوں کو رمضان میں وائرس کے تیزی سے پھیلنے سے متعلق خبردار کیا جارہا ہے اور اس بارے میں وارننگ بھی جاری کی ہے۔
ظفر مرزا نے خبردار کیا تھا کہ لوگوں کو سمجھنے کی ضرورت ہے کہ اگر ہم احتیاطی تدابیر اختیار نہیں کریں گے تو صورتحال بدتر ہوسکتی ہے، پاکستان انتہائی اہم اور نازک مرحلے سے گزر رہا ہے اور وبا تیزی سے پھیل سکتی ہے، لہٰذا میں درخواست کرتا ہوں کہ عوام کو افطار، سحر اور مساجد جانے کے معمول کو تبدیل کرنا چاہیے۔
from سچ ٹی وی اردو - تازہ ترین خبریں https://ift.tt/2z5Vg74
0 comments: