وزارت داخلہ کی جانب سے جاری نوٹیفکیشن کے مطابق وفاقی سرکاری دفاتر 22 مئی سے 27 مئی تک بند رہیں گے۔ جمعتہ الوداع اور ہفتہ، اتوار کی چھٹی کے ساتھ کل 6چھٹیاں ہونگی۔
نوٹیفکیشن کے مطابق عید کی چھٹیوں کے دوران عوامی مقامات، مارکیٹس بندرہیں گی، عید کی چھٹیوں کے دوران صرف مخصوص دکانیں کھلی رہیں گی۔
خیال رہے کہ وزیراعظم عمران خان نے کہا کہ کورونا وائرس کے سبب پاکستان میں 15 کروڑ لوگ متاثر ہوئے ہیں اور ہم اتنے لوگوں کا خیال نہیں رکھ سکتے، لہذا ایس او پیز کے تحت تمام کاروبار کھولیں گے تاکہ عوام بھوک سے نہ مرے۔
عمران خان کا کہنا تھا کہ ہم لاک ڈاؤن کے معاملے پر یورپ کی تقلید نہیں کر سکتے کیوں کہ وہاں پاکستان جیسی غربت نہیں ہے۔ ہم لاک ڈاوَن کرکے بزنس بند نہیں کرسکتے۔ جب تک ویکسین نہیں آجاتی اس وقت تک وائرس کنٹرول نہیں ہوگا، ہمیں وائرس کے ساتھ زندگی گزارنی ہوگی۔
ڈھائی کروڑ مزدور وہ ہیں جو یا دن یا ہفتے کی کمائی پر گزارا کرتے ہیں، اگر مکمل لاک ڈاون کرتے ہیں تو ان ڈھائی کروڑ مزدوروں کا کیا ہوگا۔
from سچ ٹی وی اردو - تازہ ترین خبریں https://ift.tt/2ZapjWn
0 comments: