ٹینس کھلاڑیوں کےلئے کورونا فنڈ کا اعلان

ٹینس کی عالمی تنظیموں اور فیڈریشنز کی جانب سے کورونا سے متاثرہ کھلاڑیوں کےلئے فنڈز کا اعلان کردیا گیا ہے۔

فنڈز پاکستان سمیت دنیا بھر کے آٹھ سو سے زائدکھلاڑیوں میں تقسیم کیا جائے گا۔ اے ٹی پی، ڈبلیو ٹی اے، آئی ٹی ایف اور چاروں گرینڈ سلامز (ومبلڈن، آسٹریلین اوپن، یو ایس اوپن اور فرنچ اوپن) منعقد کرانے والی تنظیموں نے مشترکہ طور پر فنڈ مختص کیا ہے جس سے مالی مسائل کا شکار کھلاڑیوں کی امداد کی جائے گی۔

اے ٹی پی کے مطابق 13 جولائی تک سرکٹ کے تمام ٹورنامنٹس معطل رہیں گے جس کی وجہ سے متعدد کھلاڑی اپنی متوقع آمدنی سے محروم رہیں گے لہذا ان کھلاڑیوں کی امداد کرنا کافی ضروری ہے۔

کھلاڑیوں فنڈز کی فراہمی اے ٹی پی اور ڈبلیو ٹی اے کی ذمہ داری ہوگی جو کھلاڑیوں کی رینکنگ اور ان کی گزشتہ چند ہفتوں کے دوران جیتی جانے والی پرائز منی کی بنیاد پر طے معیار کے تحت رقوم جاری کریں گے۔

پروفیشنل باڈی اے ٹی پی کے مطابق تمام سات تنظیموں کی جانب سے فنڈز میں حصہ ڈالا گیا ہے۔ اس کے علاوہ مختلف چیریٹی ایونٹس اور کھلاڑیوں کے سامان کی نیلامی سے بھی مزید فنڈز اکھٹے کیے جائیں گے جس سے امداد کا دائرہ وسیع کیا جا سکتا ہے۔

from سچ ٹی وی اردو - تازہ ترین خبریں https://ift.tt/3fpyDLS

• Tweet
• Share
• Share
• Share
• Share