وزیراعظم پاکستان نے ٹویٹ میں کہا کہ بھارتی سیکیورٹی فورسز مظلوم کشمیریوں کو تشدد کا نشانہ بنا رہی ہیں۔ انہوں نے کہا کہ اس طرح مودی حکومت جنگی جرائم کی مرتکب ہو رہی ہے۔
وزیراعظم عمران خان نے کہا کہ گزشتہ روز بھی بھارت کی قابض افواج نے مقبوضہ کشمیر میں 15 گھروں کو آگ لگائی۔
میں دوبارہ دہرا رہا ہوں کہ مقبوضہ جموں و کشمیر میں جاری قتلِ عام سے دنیا کی توجہ ہٹانے کیلئے بھارت کی جانب سے ایک جعلی کارروائی (فالس فلیگ آپریشن) کے امکانات نہایت روشن اور واضح ہیں۔
— Imran Khan (@ImranKhanPTI) May 20, 2020
انہوں نے کہا کہ 9 لاکھ بھارتی افواج مظلوم کشمیریوں پر وحشیانہ اور بہیمانہ تشدد کررہی ہیں اورمظالم ڈھا رہی ہیں۔
مقبوضہ وادی چنار میں متعارف کرائے گئے نئے قانون کے حوالے سے وزیراعظم عمران خان نے کہا کہ مقبوضہ وادی کشمیر میں آبادی کے تناسب میں تبدیلی جنیوا کنونشن کی خلاف ورزی ہے۔
بھارت کی قابض درندہ صفت افواج نے گزشتہ روز مقبوضہ وادی کشمیر کے ایک علاقے کا محاصرہ کرکے گھر گھر تلاشی کے دوران حریت رہنما جنید صحرائی کو ساتھی سمیت شہید کردیا تھا۔
مودی حکومت کی ایما پرروایتی طریقہ کار کے تحت اسی وقت بھارتی افواج نے بارودی دھماکوں سے گھروں کو بھی تباہ کردیا تھا۔ کشمیر میڈیا سروس نے بتایا تھا کہ بھارتی افواج نے سحری تک اپنا محاصرہ جاری رکھا ہوا تھا۔
مقبوضہ وادی کشمیر میں بھارت کی انتہا پسند جنونی ہندو حکومت کی جانب سے متعارف کرائے گئے ڈومیسائل کے نئے قانون کو اسلامی ممالک کی تنظیم او آئی سی نے بھی یکسر مسترد کرتے ہوئے اسے اقوام متحدہ کی خلاف ورزی کے مترادف قرار دیا ہے۔
from سچ ٹی وی اردو - تازہ ترین خبریں https://ift.tt/3cRjO2S
0 comments: