کراچی میں آج سخت لاک ڈاون، سڑکوں پر پولیس اور رینجرز کا کڑا پہرہ

کراچی میں جمعہ کے موقع پر دوپہربارہ سےساڑھے تین تک سخت لاک ڈاؤن ہوگا ،اس دوران گھر سے نکلنے سمیت تمام سرگرمیوں پر پابندی ہوگی اور خلاف ورزی کرنے والوں کے خلاف ایکشن ہوگا۔

کراچی میں لاک ڈاون کا 33 واں روز ہے ، سندھ حکومت کی جانب سے شہریوں کو گھروں تک محدود رکھنے کے لئے سخت اقدامات کئے جارہے ہیں۔

کوروناوائرس کے پھیلنے کے خطرے کے پیش نظر آج بھی نمازجمعہ کے اجتماعات پرپابندی برقرارہے اور صوبائی حکومتوں کے احکامات کے مطابق آج دوپہر بارہ سےساڑھے تین تک لاک ڈاون مزید سخت ہوگا۔

ساڑھے تین گھنٹے کے سخت لاک ڈاون میں سڑکوں پر پولیس اور رینجرز کا کڑا پہرہ ہوگا نہ کوئی دکان کھلےگی نہ ٹرانسپورٹ چلےگی ، صرف متعین کردہ تین سے پانچ افراد کو نماز جمعہ مسجد میں ادا کرنے کی اجازت ہوگی، وزیراعلیٰ سندھ نے شہریوں سے گھر میں رہنے کی اپیل ہے۔

پولیس کے مطابق دوپہر 12سے 3:30تک کسی کو گھرسے نکلنےکی اجازت نہیں ہوگی جبکہ مساجد میں نماز جمعہ کی اجتماعات کرنے کی اجازت نہیں ہے، شہریوں سے اپیل ہے گھروں میں نماز جمعہ ادا کریں۔

دوسری جانب کراچی پولیس چیف کا کہنا ہے کہ اس جمعہ بھی لاک ڈاؤن پر سختی سے عملدرآمد ہوگا،امید ہے لوگ تعاون کریں گے، ساڑھے تین گھنٹے کے مکمل لاک ڈاون کے دوران تمام کاروباری اور عوامی سرگرمیوں پر پابندی ہوگی،شہریوں کو نقل و حرکت کی اجازت نہیں ہوگی اور خلاف ورزی کرنے والوں کے خلاف ایکشن ہوگا۔

مزید پڑھیں: عوام گھروں میں ہی تراویح ادا کریں، وزیراعلیٰ سندھ کی تعاون کی اپیل

یاد رہے وزیراعلیٰ سندھ مراد علی شاہ نے اپنے پیغام میں کہا تھا کہ ماہرین کے مطابق اگلے 15 دن بہت اہم ہیں ،اگلے 15دن لاک ڈاؤن سخت کریں گے، عوام تراویح گھروں میں پڑھیں۔

وزیراعلیٰ سندھ کا کہنا تھا کہ کورونا صورتحال کے باعث مشکل فیصلے کرنے پڑرہے ہیں، ڈاکٹرز نے پریس کانفرنس میں اپنے خدشات سے آگاہ کردیا ہے ، اگر بڑے اجتماعات سے گریز نہ کیاگیا تو وبا تیزی سے پھیلے گی، علمائے کرام سے میری درخواست ہے حکومت سے تعاون کریں ، ہمارے اسپتال بھرگئے ہیں۔

from سچ ٹی وی اردو - تازہ ترین خبریں https://ift.tt/3bvfaqy

• Tweet
• Share
• Share
• Share
• Share