پاکستان پیپلزپارٹی کے شریک چیئرپرسن آصف علی زرداری کہتے ہیں سندھ حکومت کے فیصلوں کو پوری دنیا میں سراہا جا رہا ہے، وفاقی حکومت کو چاہیے وہ اس سخت وقت میں سندھ سمیت تمام صوبوں کی مدد کرے۔
سابق صدر آصف علی زرداری اور وزیراعلیٰ سندھ مراد علی شاہ سے ٹیلی فون پر رابطہ ہوا۔ آصف زرداری نے سید مراد علی شاہ سے کورونا صورت حال پر بریفنگ لی۔
سابق صدر نے کورونا کا مقابلہ کرنے کے حوالے سے سندھ حکومت کے کردار کی تعریف کی اور کہا کہ سندھ حکومت کے فیصلوں کو پوری دنیا میں سراہا جا رہا ہے۔ پیپلزپارٹی کے لیے سب سے بڑی ترجیح انسانی زندگیوں کا تحفظ ہے۔
پیپلز پارٹی کے شریک چیئرپرسن کا کہنا تھا کہ سندھ حکومت نے کورونا کی ٹیسٹنگ کی صلاحیتوں میں اضافہ کر کے اچھا کام کیا ہے، لاک ڈاؤن میں مستحق افراد تک رسائی، امداد سندھ حکومت کی اولین ترجیح ہونی چاہیے، وفاقی حکومت کو چاہئے وہ اس سخت وقت میں سندھ سمیت تمام صوبوں کی مدد کرے۔
from سچ ٹی وی اردو - تازہ ترین خبریں https://ift.tt/2Kcwfd3
0 comments: