سعودی وزارت صحت کے ترجمان ڈاکٹر محمد عبدالعالی نے اتوار کے روز ایک بیان میں بتایا ہے کہ مملکت میں کرونا وائرس کے کل کیسوں کی تعداد 2370 ہوگئی ہے۔
سعودی عرب میں 420 سے زائد افراد صحت یاب ہوچکے ہیں اور اب تک اس مہلک وائرس سے 29 اموات ہوئی ہیں۔
ڈاکٹر محمد عبدالعالی کا کہنا تھا کہ ’کورونا وائرس میں مبتلا بیشتر مریضوں کی حالت تسلی بخش ہے ،بہترین طبی سہولتیں فراہم کی جارہی ہیں۔
وزارت صحت اور مملکت میں دیگراداروں کی مثالی حکمت عملی کارگر ثابت ہورہی ہے جس کے مثبت اثرات بھی نمایاں ہو رہے ہیں۔
سعودی وزارت داخلہ کے ایک بیان کے مطابق جدہ گورنری کے سات علاقوں کو کورونا وائرس کو پھیلنے سے روکنے کے لیے قرنطینہ کردیا گیا ہے۔
ان علاقوں میں پہلے ہی کرفیو نافذ ہے اور ان کے مکین صبح چھے بجے سے سہ پہر تین بجے تک اشیائے ضروریہ کی خریداری کے لیے گھروں سے باہر نکل سکتے ہیں۔
ڈاکٹر عبدالعالی نے مزید کہا وزارت صحت کی جانب سے کورونا سے بچاو کےلیے جن احتیاطی تدابیر کے حوالے سے لوگوں کو آگاہ کیا جارہا ہے ان پر سختی سے عمل کریں تاکہ جلد از جلد اس وبا پر قابو پایا جاسکے۔
from سچ ٹی وی اردو - تازہ ترین خبریں https://ift.tt/2Rbo0BO
0 comments: