صوبہ پنجاب کے دارالحکومت لاہور میں گھر سے 4 افراد کی لاشیں ملی ہیں، چاروں افراد کو فائرنگ کر کے قتل کیا گیا۔
تفصیلات کے مطابق لاہور کے علاقے گرین ٹاؤن میں واقع گھر سے 4 افراد کی لاشیں ملی ہیں، مرنے والوں میں باپ اور اس کے 3 بچے شامل ہیں۔
پولیس حکام کا کہنا ہے کہ چاروں افراد کو فائرنگ کر کے قتل کیا گیا، واقعے کی تحقیقات کی جا رہی ہے، پولیس کا کہنا ہے کہ لاشوں کو قانونی کارروائی کے بعد ورثا کے حوالے کیا جائے گا۔
یاد رہے کہ گزشتہ سال دسمبر میں لاہور کے علاقے امامیہ کالونی میں فائرنگ سے 3 افراد جاں بحق ہوگئے تھے۔پولیس حکام کا کہنا تھا کہ مقتول تحصیل کچہری فیروزوالہ سے مریدکے جا رہے تھے۔
اس سے قبل 10 نومبر 2019 کو لاہور کے علاقے باٹا پور 8مرلہ مکان کے تنازعہ پر دو گروپوں کی فائرنگ سے پانچ افراد جاں بحق جبکہ چار زخمی ہوگئے تھے۔ پولیس نے ایک ملزم کو زخمی حالت میں اسپتال سے گرفتار کیا تھا۔
from سچ ٹی وی اردو - تازہ ترین خبریں https://ift.tt/2TyyE6Z
0 comments: