سعودی عرب میں اے ٹی ایم سے رقم چوری کرنے کی انوکھی واردات سامنے آئی، ڈاکوؤں نے اے ٹی ایم کو دھماکے سے اڑایا اور 14 لاکھ ریال لے کر فرار ہوگئے۔
عرب میڈیا کے مطابق یہ واقعہ سعودی عرب کے دارالحکومت ریاض میں پیش آیا جہاں نامعلوم افراد نے گیس کے ذریعے اے ٹی ایم مشین میں دھماکا کیا اور 14 لاکھ ریال چوری کرنے میں کامیاب ہوگئے۔
پولیس کا کہنا ہے کہ ریاض کے السلی محلے میں واقع مقامی بینک کے ایک اے ٹی ایم سے چور خطیر رقم لے کر فرار ہوئے، ڈاکوؤں نے پہلی مرتبہ اے ٹی ایم کو کھولنے کے لیے گیس کا استعمال کیا جس سے زور دار دھماکا ہوا۔
دھماکے کے فوری بعد پولیس جائے وقوعہ پر پہنچی تاہم اس وقت تک چور 14 لاکھ ریال لے کر فرار ہوچکے تھے۔
پولیس کا کہنا ہے کہ واقعے سے متعلق تحقیقات کا آغاز کردیا گیا ہے، سی سی ٹی وی کیمرے سے واردات کرنے والوں کی شناخت کی جا رہی ہے، امید ہے ملزمان کی جلد گرفتاری عمل میں آئے گی۔
from سچ ٹی وی اردو - تازہ ترین خبریں https://ift.tt/2Hr1BLp
0 comments: