بنگلہ دیش کے خلاف پہلے ٹیسٹ میچ کے لئے قومی ٹیم کے اعلان کے بعد میڈیا سے گفتگو کرتے ہوئے ان کا کہنا تھا کہ ہمارے دونوں اوپنر اس وقت بھرپور فارم میں ہیں اور اچھی کارکردگی کا مظاہرہ کر رہے ہیں۔
ان کا کہنا تھا کہ اسی طرح محمد رضوان نے بھی آسٹریلیا اور قائداعظم ٹرافی کے دوران اچھے رنز بنائے ہیں، جب جگہ بنتی ہے تب ہی نئے کھلاڑی کو موقع دیا جاتا ہے، ابھی ٹیم کو ایسی کوئی ضرورت نہیں ہے، دونوں کھلاڑیوں کو انتظار کرنا ہو گا۔
یاد رہے بنگلہ دیش کے خلاف ٹیسٹ سیریز کے پہلے میچ کے لئے 16 رکنی اسکواڈ میں عثمان شنواری کی جگہ فہیم اشرف کو موقع دیا گیا ہے جب کہ کاشف بھٹی کی جگہ بلال آصف ٹیم کا حصہ ہوں گے۔
ٹیم میں تبدیلیوں سے متعلق ان کا کہنا تھا کہ ٹیم پرفارم کر رہی ہے اس لیے زیادہ تبدیلیاں نہیں کر رہے۔ مخالف ٹیم کو کبھی بھی آسان ہدف نہیں سمجھنا چاہیےاس لیے ہماری کوشش ہوتی ہے اچھی ٹیم میدان میں لائی جائے۔
بنگلہ دیش کیخلاف اظہرعلی کیپٹن، عابد علی، اسد شفیق، بابراعظم، بلال آصف، فہیم اشرف، فواد عالم، حارث سہیل، امام الحق، عمران خان، محمد عباس، محمدرضوان، نسیم شاہ، شاہین شاہ، شان مسعود اور یاسر شاہ اسکواڈ کا حصہ ہیں۔ مہمان ٹیم پہلا ٹیسٹ میچ کھیلنے 6 فروری کو پاکستان آئے گی۔
مزید پڑھیں: بنگلادیش کا پاکستان کیخلاف پہلے ٹیسٹ میچ کیلئے 14 رکنی ٹیسٹ اسکواڈ کا اعلان
بنگلادیش کرکٹ بورڈ (بی سی بی) نے پاکستان کیخلاف پہلے ٹیسٹ میچ کیلئے 14 رکنی بنگلادیشی اسکواڈ کا اعلان کردیا ہے۔
اسکواڈ کے 14 کھلاڑیوں میں کپتان مومن الحق، تمیم اقبال، سیف حسن، نجم الحسین شانتو، محمود اللہ، محمد متھن، لٹن کمار داس، تیجل السلام، نعیم حسن، عبادت حسین ابوجیّد چوہدری راہی، الامین حسین، روبیل حسین اور سومیا سرکار شامل ہیں۔
from سچ ٹی وی اردو - تازہ ترین خبریں https://ift.tt/2ubXjVg
0 comments: